Kryetari i Malishevës, Ragip Begaj ka kërkuar  nga punëtorët e Administratës, që të respektojnë punën dhe ligjin. Ai ka kërcënuar  se nëse nuk e zbatojnë ligjin do të largohen nga puna.

“Që  të jemi sot  këtu  me ju është vullneti i qytetarëve të Malishevës, pavarësisht që dikush nuk ka pasur dëshirë.Unë do të respektoj atë vullnet  deri në fund”, ka thënë Begaj,transmeton KD.

“Kanë ndodhur ndryshime.Do të ndodhin edhe në të ardhmën.Jam një bashkëpuntor  i mirë, por dua disiplinë në punë dhe besoj se do të nisim ndryshe”.

“Të gjithë ata që mendojnë të përfitojnë pa ligj,madje edhe një euro le ta dinë se nuk do të kenë vend në Komunën e Malishevës”./PrizrenPress.com/

Presidenti i AKR-së, Behgjet Pacolli, ka thënë se edhe kryetarëve të komunave duhet t’u lejohet të kandidojnë dhe të zgjidhen deputetë në Kuvendin e Kosovës.

Pacolli ka sqaruar se kjo do ta mundësonte përfaqësimin e të gjitha komunave në organin më të lartë legjislativ në vend. “Për mua që prej kryeministrit e tutje duhet të jenë parlamentarë, e jo si tani. Kjo është edhe një arsye se duhet të ndodhë ndryshimi i kushtetueses. Sot kemi shumë komuna që nuk janë të përfaqësuara në Kuvendin e Kosovës. Pse mos të jetë çdo kryetar i komunës në Kuvendin e Kosovës. Ai më së miri do ta parashtronte problematiken e komunës së tij”, ka thënë Pacolli në intervistën për “Epokën e re”.

Presidenti i AKR-së, Behgjet Pacolli, ka thënë se Kosovës i duhet një qeverisje e cila e di gjuhën e ekonomisë. Ai ka thënë se 2013-ta ka shënuar përparime për Kosovën në aspektin e brendshëm dhe të jashtëm, por është i vetëdijshëm se ka pasur edhe ngecje në disa sektorë. Pacolli 2013-n e ka vlerësuar vit të suksesshëm të AKR-së, pasi në 2014-n po nis qeverisjen në dy komuna. Ai ka thënë se Gjakova dhe Mitrovica do të jenë modele se si duhet të qeveriset në pushtetin lokal.

Zbardhet plani i veprimit të MSA-së për 2014. Kërkohet luftimi i korrupsionit brenda sistemit të drejtësisë.

Sipas planit të veprimit të MSA-së për vitin 2014, të cilin e posedon gazeta “Kosova Sot”, me qëllim të luftimit të korrupsionit brenda sistemit gjyqësor, duhet të zbatohen me rigorozitet masat e parapara në kodin e mirësjelljes për gjyqtarë.

Ndonëse viti 2013 është cilësuar nga krerët e institucioneve të shtetit si vit i qartësimit të rrugës evropiane për shtetin e Kosovës, me fillimin e negocimit të MSA-së ndërmjet BE-së dhe Kosovës, marrëveshje që orientimisht pritet të nënshkruhet në fund të 6-mujorit të këtij viti, kriteret e natyrës politike që mbeten të plotësohen nga institucionet e vendit, sipas dokumentit të miratuar nga Qeveria e Kosovës në javën e fundit të vitit që kaloi, e që e ka gazeta në dispozicion, lë shumë për të dëshiruar që objektivi i nënshkrimit të MSA-së të arrihet në mesin e këtij viti./KS/

Rryma të ndryshme fetare të cilat mundohen që islamin ta bartin në jetën tonë publike, ta bartin në diskursin tonë publik, ta bartin si një mënyrë tjetër jetese, më një diskurs tjetër mund të paraqesin rrezik për shtetin e Kosovës. Kështu ka thënë në intervistën dhënë gazetës ‘Zëri’, ministri i Punëve të Jashtme të Kosovës Enver Hoxhaj. Ai kërkon nga Ministria e Brendshme, ministri të tjera, agjenci të ndryshme që të jenë më të vëmendshëm.

“Këtë se çfarë unë po e them para jush e kam ngritur edhe në takime të caktuara edhe në Evropë, por edhe në Lindje të Mesme”, ka thënë Hoxhaj.

2014-a pritet të jetë viti kur FSK-ja duhet të shndërrohet në Ushtri të Kosovës. Ky është konstatimi i përbashkët i Qeverisë së Kosovës, opozitës dhe ekspertëve të sigurisë.

Ambasadori britanik Ian Cliff në një intervistë për Koha Ditore ka thënë se EULEX-i duhet të qëndroj në Kosovë sepse institucionet e Kosovës nuk janë ende të gatshme të merren me krimet e luftës.

“Nuk mendoj se institucionet e Kosovës janë të gatshme që të merren me krimet e luftës. Unë e di se krimet janë jashtëzakonisht të ndjeshme. Mneodj se është e nevojshme që të trajtohen krimet e luftës dhe kjo kërkon rolin e EULEX-it. Ka ende punë për t’u bërë në forcimin e institucioneve vendëse, sepse janë disa raste serioze për të cilat është e nevojshme të jenë gjyqtarët dhe prokurorët e EULEX-it”, ka thënë Cliff.

Nënkryetari i Aleancës për Ardhmërinë e Kosovës, Ahmet Isufi, thotë se zgjedhjet e mira të nëntorit përmirësuan imazhin e shtetit.

Ahmeti thotë  se këto zgjedhje ishin zhvillimi i mirë i vitit që lamë pas, i cili sipas tij, u karakterizuar me një stagnim të përgjithshëm në të gjitha fushat.“Si zhvillim pozitiv i vitit 2013 mund të themi se ishte mbajtja e zgjedhjeve lokale, të cilat kaluan në një frymë demokratike, dhe u pa se procesi ishte më i rregullt se herëve tjera. Kështu që, u bë edhe përmirësimi i imazhit të Kosovës me këto zgjedhje”.

“Por, më shumë mund të theksojmë për elemente të cilat e kanë përcjellë këtë vit, e që kemi një stagnim të Kosovës sa i përket zhvillimit ekonomik, shtimit të papunësisë, varfërisë së shtuar, po ashtu edhe mungesës së njohjeve të cilat janë pritur, mos angazhimin e mjaftueshëm për liberalizimin e vizave, pastaj dialogu i cili ka pësuar degradim”.

“Po ashtu, Kosova ka një ngritje të korrupsionit dhe krimit të organizuar sepse është plasuar në vendin e 111 gjë që tregon një dobësi të qeverisjes në luftë kundër korrupsionit dhe krimit të organizuar”.

“Pra, mund të themi se kemi një degardim të zhvillimeve”.

Ahmet Isufi pret që ky vit të sjell ndryshimin e skenës politike në Kosovë.

“Në vitin 2014 presim një ndryshim i cili mund të ndodhë në skenën politike të Kosovës për shkak të zhvillimeve, që kanë qenë gjatë kësaj kohe”.

“Po ashtu, zgjedhjet e reja të cilat duhet të sjellin një cilësi të plotë në Parlamentin e Kosovës qoftë me një Qeveri të re e cila duhet të jetë shumë më dinamike dhe me zhvillime më pozitive të brendshme, dhe, po ashtu konsiderojmë se duhet të punojmë më shumë që të ngritët mirëqenia e qytetarëve të Kosovës”.

“Si prioritete duhet të jenë zhvillimi i brendshëm ekonomik dhe interesimi që Kosova të ja jap përmbajtjen vetvetes përbrenda për të krijuar imazh të mirë edhe jashtë. Po ashtu integrimin e minoriteteve që është obligim i institucioneve të vendit. Dhe, funksionimin e Kosovës si shtet i cili synon të shkojë drejtë integrimeve”.

Sipas Isufit, zgjedhjet lokale kanë qenë njëfarë indikatori se çfarë rezultatesh mund të priten në zgjedhjet nacionale.

“Konsideroj se do të kemi ndryshime, sepse kemi ngritje të partive politike, në këtë rast, AAK’ja ka ngritur votën e vet, edhe pse ka pasur humbje të kryetarëve në komuna”, thotë Ahmeti për lajmi.net

“Po ashtu, kemi një ndryshim në LDK. Kemi një rënie të PDK’së. Po ashtu edhe një përgjysmim të Vetëvendosjes. Kështu që skena politike do të jetë më ndryshe se sa që ka qenë deri më tani. Presim që të themelohet një Qeveri e re me rastin e zgjedhjeve, në mënyrë që ta dinamizojë jetën më ndryshe”.

“Fitues nëse mund të themi do të jenë ato parti të cilat do të kenë strukturë të mirë, do të kenë një program të mirë, të kenë vizionin e qartë, sepse qytetarët kanë filluar të vlerësojnë më mirë se përpara”.

“Prandaj do t’i vlerësojnë më shumë veprimet praktike të partive politike, se sa fjalët ose parullat të cilat po shfaqen. Megjithatë, konsideroj se pa koalicione është vështirë të mendohet që do të mund të ketë Qeveri”.