Instituti  Demokratik i  Kosovës (KDI) ka mbajtur në Rahovec tryezën me temën “Gruaja në ekzekutiv-sfidë apo realitet”.Përfaqësues i KDi-së, Naim Cahani, tha se në periudhën e kaluar KDI- ka vërejtur një mungesë të madhe të përfaqësimit të gruas në vendimmarrje, edhe në ekzekutivin e kaluar të Komunës  së Rahovecit, dy drejtori janë drejtuar nga femrat.

“Prandaj, kërkohet që të dëgjohet zëri i femrës në ekzekutiv. Aktualisht në ekzekutiv janë të përfshira vetëm 17 për qind të grave, që do të thotë se as për së afërmi nuk i plotëson kërkesat ligjore” tha  Cahani. Zyrtari për barazi gjinore në ekzekutivin e Rahovecit, Ekrem Bytyçi tha se numri i femrave në administratë nuk është i kënaqshëm.

“Mbetet që në të ardhmen të kemi përfaqësim më të përgjegjshëm të femrave në ekzekutiv”.
Habibe Haxhimustafa, zyrtare e Njësisë për të Drejta të Njeriut,  tha se duke mos përfshirë femrën në ekzekutiv dhe në vendimmarrje, shkelet edhe baza ligjore ekzistuese.

Haxhimustafa akuzoi edhe vetë gratë për mungesë gatishmërie për të insistuar në realizimin e të drejtave të tyre. “Madje disa femra të përfaqësuara në Kuvend nuk kanë shprehur vendosmëri më të madhe për të detyruar vendimmarrësit meshkuj që të zbatojnë ligjin për barazi gjinore, shtoi Haxhimustafa”.

Këshilltarja në Kuvendin e Komunës Rukije Krasniqi, tha se ecuria pozitive që ka mbretëruar në ekzekutivin në largim, duhet të rritet.
“Nuk është mirë që femra të përfaqësohet vetëm me kuotë, ngase kemi numër të madh femrash të arsimuara dhe me nivel mjaft të kënaqshëm profesional”

Sadete Dula nga OJQ “Hareja” tha se përfaqësimi i femrës në ekzekutiv ka qenë mjaft i ulët dhe ne nuk guxojmë të heshtim dhe të pajtohemi me këtë nivel përfaqësimi.

Ndërkaq Naim Cahani, konstatoi se në bazë të diskutimeve duhet të bëhet rrjetëzimi dhe bashkëpunimi ndërmjet shoqatave të grave, sidomos të atyre që merren me biznese të vogla familjare. “Këto kërkesa do të dërgohen tek vendimmarrësit në komunë, në mënyrë që të reflektojnë gjatë procesit të ndërtimit të strukturës së re qeverisëse”./PrizrenPress.com/

Kryetari i Bashkimit Demokratik në Prizren, Zafir Berisha ka shpërthyer në drejtim të kryeministrit të Kosovës, Hashim Thaçi. Ai ka akuzuar Thaçin se e ka vënë në pikëpyetje ekzistimin e shtetit të Kosovës.

“Kohëve të fundit me zhvillimet politike që po ndodhin po e sjellin Kosovën, drejt kolapsit institucional duke bërë vendin shtet jo funksional dhe pa perspektivë për një të ardhme të afërt”.

“Bashkimi Demokratik që në fillim ka pasur qëndrimin e vet rreth bisedimeve me Serbinë dhe për fat të keq shqetësimet tona të arsyeshme rreth këtyre bisedimeve tashmë po dalin si një realitet.Këto bisedime janë udhëhequr nga njerëz të pa përgjegjshëm dhe pa ndonjë platformë shtetërore, që po rezultojnë me legalizimin tashmë të Serbisë në Kosovë, ku njësitet paramilitare do të udhëheqin shumë komuna në Kosovë, të cilat do të mbrohen nga prestarët e MUP-it Serb, të cilët për 14 vite rresht vranë e masakruan shqiptarë të pa fajshëm veçanërisht në pjesën veriore të Kosovës dhe krijuan një realitet të pa qenë, duke shfrytëzuar papjekurinë politike të politikanëve të shantazhuar të soit të Hashim Thaçit i cili më nuk ka koment se atë që e fituam me luftën e lavdishme të Ushtrisë Çlirimtare te Kosovës dhe rezistencën heroike të gjithë qytetarëve për dekada të tëra po vihet në pikëpyetje “

“Ky degjenerim që po i behët shtetit po rrezikon të shkoi edhe më thellë duke iu krijuar hapësirë njësiteve paramilitare të Serbisë që të futen edhe në Parlamentin e Kosovës nga ku më Kosova nuk do të jetë vend funksional por për të do të vendos Serbia e cila veç më po dihet që është edhe fituese në bisedimeve ne Bruksel të cilat i shfrytëzoi me mjeshtri karshi klasës politike në Kosovë, për tu integruar në shtetet e BE”.

Berisha tha se Bashkimi Demokratik vlerëson se kriza ekonomike dhe politike e krijuar në Kosovë për të cilën si rrjedhojë ka krizën morale kolektive, është bërë me qëllim nga qarqet të caktuara për të mos reaguar fuqishëm karshi zhvillimeve që po ndodhin ditëve të fundit ku po vihet në pikëpyetje shteti Kushtetues dhe Ligjor.

“Kamuflazhi i fundit në vazhdën e shumë kamuflimeve janë edhe bisedimet gjoja për reformën zgjedhore që tash më po dihet që nuk është fjala për reformë por për një ndërhyrje të lehtë në ligjin zgjedhore .Jo rastësisht kjo çështje është zhagitur më shumë se sa një vit vetëm e vetëm për të ardhur në situatën se gjëja nuk kemi kohë më për reforma të thella dhe po e përgatisin vendin për t’u futur drejtë një kaosi të radhës , i cili nuk do mend se është një eksperiment që po bëhet në Kosovën dhe qytetarët e saj të pafajshëm në këtë rast edhe të pa fuqishëm karshi klasës së korruptuar politike të cilët kanë bërë aq shumë pasuri sa që varfërinë e qytetarëve po e blejnë me para siç ndodhi edhe në zgjedhjet e fundit lokale”

“ Bashkimi Demokratik mendon se është momenti i fundit të ndërgjegjësohet bile së paku një pjesë e klasës politike dhe të reagojnë sa nuk është bërë vonë me akrobacionet e rrezikshme politike të qeverisë së Hashim Thaçit”./PrizrenPress.com/

Kryetari i ri i Komunës së Malishevës Ragip Begaj, tashmë, para kohe ka pranuar detyrën nga rivali, njëherësh ish partiaku i dikurshëm i tij Isni Kilaj. Begaj tha për publiku.net se ka një javë që zoti Kilaj i ka dorëzuar detyrën.

“Po jemi takuar në zyrë, ma ka dorëzuar detyrën para kohe”.

Ndonëse del në zyrë, Begaj nuk kryen detyrat zyrtare të kryetarit, pasi këtë nuk mund ta bëjë ligjërisht për shkak se sipas ligjit kjo nuk mund të bëhet pa u bërë inaugurimi dhe betimi i kryetarit.

“Në punë, unë dal edhe në cilësinë e kryesuesit të Kuvendit, sepse kam qenë në këtë detyrë dhe jam i familjarizuar me të gjitha punët dhe sfidat e Komunës. Datën inauguruese e kemi me 23 dhjetor. Do ta bëjmë betimin edhe unë si kryetar edhe këshilltarët komunalë të njëjtën ditë dhe nga ajo ditë do të filloj t’i kryej detyrat e kryetarit”.

Begaj për portalin ‘Publiku’ tha se ende nuk ka filluar bisedimet për të gjetur partnerë në bashkëqeverisje, por konfirmoi se është i gatshëm të bashkëpunojë me të gjithë dhe se do të jetë i hapur për të gjitha subjekte me vullnet të mirë:

“Bashkëpunimi me opozitën? Për këtë nuk kemi vendosur ende. Do të vendosim pasi ta kemi bërë betimin, por jemi të gatshëm për bashkëpunim me të gjithë”, tha ai ndërsa ka shtuar se, nuk janë përjashtues për askënd.

“Kemi kandidatë nga të gjitha partitë që në kanë ndihmuar. Kemi ndërtuar një iniciativë të fuqishme. I kemi 11-të drejtori. Për koalicionin dhe ndarjen e drejtorive me partnerin e mundshëm në koalicion do të bisedojmë pas betimit. Nuk ka mundur të jetë ndryshe kështu që nuk përjashtojmë askënd.”

As Isni Kilajn, rivalin e tij, Begaj, tha se nuk e përjashton:

“Me zotin Kilaj, flasim, kemi qenë në të njëjtin subjekt. Kemi folur edhe në ditën kur ma ka dorëzuar detyrën, dhe unë siç thash, jam i interesuar të bashkëpunojë me të gjithë. Se a është zoti Kilaj i gatshëm?! Nuk e di, nuk e di qëndrimin e tij, nuk e di a është ai i gatshëm të bashkëpunojë me ne, pyetni më mirë atë”

Publiku.net ka kontaktuar edhe zotin Isni Kilajn, por ky ndryshe nga zoti Begaj tha se dëshiron të mbetet opozitë e pushtetit:

“Nuk kemi çka me bashkëpunue, sepse tash ne jemi në opozitë. Ne do t’i shohim punët e opozitës, ndërkaq ai punët e pozitës. Realisht punët dhe detyrat i kemi të ndara. Kemi qenë rivalë, prandaj ma merr mendja që kontributi ynë është të qenit një opozitë e fortë që mbikëqyr qeverisjen dhe kështu i ndihmohet zhvillimit. Kemi vendosur të mbesim opozitë gjithsesi”, i tha publikut.net Isni Kilaj, kryetar i deridjeshëm i Malishevës.

Për raportet me Begaj, Kilaj thënë se janë njerëzore dhe se ata nuk kanë asgjë personale.

E ku i fundit Ragip Begaj ka folur edhe për raportet me Limajn. Për spekulimet e këtyre ditëve se z. Limaj dhe z. Krasniqi do të themelojnë së shpejti një parti të re politike, Begaj tha se nuk është i informuar për këtë:

“Nuk di për ato çështje, pyetni ata, unë mund të përgjigjem vetëm për Iniciativën Qytetare të Malishevës”. Ai ka nënvizuar se është në kontakt me zotin Limaj:

“Po, me zotin Limaj kemi kontakte, ai është në Prishtinë, ne në Malishevë, por dëgjohemi në telefon. E kemi mbështetjen e tij ashtu siç e kemi pasur edhe gjatë gjithë fushatës kur kemi bashkëpunuar.”

Në rast se Limaj do të delte me një parti politika, Begaj për publiku.net nuk e ka përjashtuar mundësinë e bashkëngjitjes së Iniciativës Qytetare të Malishevës, me partinë e zotit Limaj, duke pasur parasysh programin dhe idetë e përbashkëta

32 prizrenas janë dënuar në periudha të ndrsyhme nga Gjykata Themelore në Prizren, kryesisht për vepra penale të rënda përfshirë vrasjet, ndërsa një pjesë e tyre për vuajtje të dënimit është transferuar nëpër burgjet tjera të vendit.

Zyrtarja për informim publik pranë Gjykatës Themelore ë Prizren, Afërdita Kicaj tha se për ‘Zërin’ se numri i të burgosurve të cilët janë ë vuajtje të dënimit është 32, ndërsa pjesa më e madhe e tyre apo 21 të burgosur janë ë vuajtje të dënimit ë Burgun e Prizrenit.

Ndër veprat më të shpeshta për të cilat janë dënuar këta të burgosur janë ata të vrasjes, tentim-vrasjes, të plaçkitjes.

Pos Prizrenit, numri më i madh i të dënuarave apo 5 persona për vuajtje janë të transferuar ë burgun e Lipjanit, katër të burgosur dënimin po e vuajë Dubravë, ndërkohë që një është ë burgun e Pejës dhe një tjetër ë burgun e Gjilanit.