Kryetari i Suharekës, Sali Asllanaj, ka dhënë të mërkurën betimin para këshilltarëve të Asamblesë Komunale. Ai premtoi edhe një herë se në mandatin katërvjeçar , do të jetë kryetar i të gjithë qytetarëve.
“Do të jem kryetar i të gjithë qytetarëve të Komunës së Suharekës, dhe nuk do të bëj dallime politike. Puna ime do të jetë qytetari dhe jo subjekti politik”, premtoi Asallanaj.
Ai ka falënderuar edhe ish-kryetarin e Komunës, Blerim Kuçin për punën që ka bërë në mandatin e kaluar. Në seancën inauguruese janë betuar edhe 31 anëtarët e Asamblesë Komunale, të cilët kanë fituar ulëse në zgjedhjet e 3 nëntorit. Në këtë përbërje LDK-ja i ka 10 anëtarë, AAK -ja 10, PDK-ja 8, VV – 2 dhe Partia e Drejtësisë 1 anëtar.
Asllanaj bashkë me anëtarët e Asamblesë Komunale, pas betimit ka bërë homazhe para varrezave të dëshmorëve në Suharekë.
Sali Asllanaj në zgjedhjet e lokale ka arritur të sfidojë kandidatin e AAK-së, Bali Muharremajn./PrizrenPress.com./