Fatmir Limaj është i bindur se Kadri Veseli qëndron prapa letrave të Sokol Bashotës e Isni Kilajt. Njerëz të afërt të tij, kanë thënë për Gazetën Express se Zëvendëskryetari i PDK’së po përpiqet ta organizojë përjashtimin e tyre nga partia.

Letra e Sokol Bashotës fillimisht e më pas ajo e Isni Kilajt, përmes të cilave i kërkohej Thaçit që t’i largonte nga partia Fatmir Limajn e Jakup Krasniqi, habitën opinionin kosovar javën që po lëmë pas.

Fakti se dy njerëz flisnin për të njëjtën gjë, la të kuptohej se ky edhe mund të jetë një mision i orkestruar.

Kështu i është dukur edhe Fatmir Limajt, Nënkryetarit të dikurshëm të PDK’së.

Një njeri i afërt i tij i kanë thënë Gazetës Express se letra e Bashotës dhe Kilajt kanë një autor; Kadri Veselin.

“Veseli po përpiqet ta organizojë përjashtimin e z. Limaj dhe z. Krasniqi, i bindur se ata kanë ndikuar në humbjen e PDK’së”, ka thënë ai.

Sipas tij, Sokol Bashota e Isni Kilaj janë njerëz të afërt të Veselit.

Fatmir Limaj arriti të fitonte në Malishevë me Ragip Begajn, derisa Isni Kilaj i PDK’së nuk arriti të shkonte as në balotazh. Dëme PDK’së ai i shkaktoi edhe në Lipjan ku fitoi kandidati i LDK’së. Po ashtu, vota PDK’së i mori edhe në Prizren.

Veseli po përpiqet ta organizojë përjashtimin e z. Limaj dhe z. Krasniqi, i bindur se ata kanë ndikuar në humbjen e PDK’së”.

Me tri realitete ishin përballur javën e shkuar 22 kosovarë, tek po merrnin pjesë në Strasburg në Forumin Botëror të Demokracisë: me një fusnotë që shoqëronte denominimin e vendit që përfaqësonin, e që ishte ndryshe prej asaj të dakorduar në Bruksel, me mospjesëmarrjen e diplomatëve të shtetit të tyre në këtë ngjarje, dhe me mungesën e kujdesit shtetëror të tyre. I dallonte kjo nga të tjerët.

Pjesëmarrës në këtë ngjarje të organizuar nga Këshilli i Evropës ishin përfaqësues nga 115 shtete të botës, shtete anëtare dhe jo anëtare të Këshillit. Rol të veçantë aty mbanin vendet që përfaqësoheshin nga shkollat politike. E Kosova participonte me pjesëmarrës, vijues të Shkollës Politike të Prishtinës, shkruan Koha Ditore.

Dhe në “out” ishte një mision i jashtëm, që ka selinë fare afër “Pallatit të Evropës” siç quhet ndryshe selia e Këshillit të Evropës. Veprimet e njerëzve që përbëjnë atë nuk ishin konform kërkesave që ligjet në fuqi kanë për misionet diplomatike të Kosovës.

Ligji për shërbimin e jashtëm u kërkon këtyre misioneve, edhe promovimin, mbrojtjen e fuqizimin e statusit ndërkombëtar të shtetit, por edhe ushtrimin e kujdesit ndaj shtetasve që qëndrojnë në vendet ku këto misione veprojnë.

Diplomacia kosovare është e re në moshë. Dhe në pak vitet e jetëgjatësisë, e kanë përshkruar paaftësi e skandale gjatë funksionimit. Asaj i numërohen edhe suksese nga autoritetet.

Deri më tani Kosova ka arritur të hapë 22 misione diplomatike, 4 konsullata të përgjithshme dhe 14 misione konsullore, ku hyjnë edhe seksionet konsullore në kuadër të ambasadave me një shtrirje në katër anët e botës, duke përfshirë këtu edhe ambasadat në Australi dhe në Panama që së fundmi janë funksionalizuar. Njerëzit e këtyre misioneve kanë bërë shumë skandale brenda pak vjetësh.

Enver Hoxhaj, ministër i Punëve të Jashtme, ka thënë se me të tilla probleme nuk përballet vetëm Kosova.

Zëvendësambasadori i Kosovës në Zagreb, Urtak Hamiti, që arrestuar nga autoritetet kroate derisa ishte në gjendje të dehur. Kosova kishte pranuar një note proteste për veprimin e këtij diplomati.

Një tjetër skandal kishte ndodhur edhe në vitin 2012. Sekretarja e parë e Ambasadës në Berlin, Fatmire Musliu, e kishte sulmuar fizikisht ambasadorin e atëhershëm, Vilson Mirdita.

Kosova bën politikë të jashtme prej pak vjetësh. Por, për këtë periudhë ka bërë skandale me bollëk, përfshirë ato me sjelljen e stafit diplomatik dhe skandalin me njohjet në Afrikë. Tek në vitin e pestë është mundur të arrihej synimi për të siguruar 100 njohjet e premtuar që të arriheshin në 2008-n. E as pas gjithë kësaj kohe nuk është mundur të gjendej rruga për anëtarësim në OKB dhe as në organizatat më të rëndësishme rajonale e globale./KD/

Persona të panjohur kanë hedhur të shtunën rreth orës 17:40 disa shishe me koktej molotovi afër ndërtesës së ish komunës ilegale në veri të Mitrovicës, por nuk ka të lënduar në njerëz, bëjnë të ditur burime të Kosovapress-it.

Nuk dihet caku i sulmit, ndërsa pjesëtarë të policisë së Kosovës kanë dalë në vendngjarje dhe janë duke zhvilluar hetimet. /Kosovapress/

“Jugosllavia në vitin 2000” ishte temë e mediave jugosllave. Sipas “hulumtimeve” të bëra atëherë, ata kanë thënë se në vitin 2000 jugosllavët do të mund të ndryshojnë gjininë, ngjyrën e lëkurës, të shohin ëndrra kolor… Ata thoshin se universitetet do të mbijetojnë krizën, për shkak se do të jenë të ndara nga pjesëmarrja aktive në çështjet ekonomike dhe sociale. Por, gabuan, sepse Jugosllavia u shkatërrua nga luftërat e përgjakshme.

Temën e së ardhmes në vitin 1969 e nisi redaktori i ditores “Borba”, Stane Stanic, në emisionin televiziv “Vidici”. Këto pjesë që i sjellë Telegrafi, i ka përmbledhur blogu “Yugopapir”.

“Për të ndihmuar njerëzit të jetojnë 150 vjet, aq sa do të zgjas jeta rreth vitit 2000, do të aplikojmë kontrollin kimik dhe biologjik të karakterit dhe proceseve intelektuale. Përveç kësaj, futuristët parashikojnë se do të jetë e mundur që në tri dekadat e fundit të këtij shekulli, të krijohet inteligjenca artificiale, rritja e organeve të reja apo gjymtyrëve, si dhe ndalimi i funksione vitale për disa vite apo edhe shekuj”, është shkruar atëherë.

Aty thuhet se më 2000 do të përdoren mjete të reja të kontrollit të lodhjes, teknikat e relaksimit për të inkurajuar vitalitet, stimuj për të forcuar individualitetin shpirtëror, fuqinë e perceptimit, rritjen e imagjinatës dhe aftësitë tjera mendore.

“Në vitin 2000 njerëzit do të lindin përmes metodave më të lira dhe praktike mjekësore. Deri në fund të këtij shekulli do të jemi në gjendje të zgjedhin gjininë e fëmijëve, e nëse duam edhe ndryshimin e gjinisë së të rriturve”.

Por, shumë prej parashikimeve, sidomos ato optimiste, nuk dolën të sakta.

“Sipas llogarive të ekonomistit Milos Sindjic, ne në vitin 2000 do të kemi 2.520 dollarë për kokë banori, pra do të jemi në grupin e vendeve më të industrializuara. Atëherë ne në fakt do të arrijmë nivelin e standardeve që kishte Suedia në vitin 1965, e që është një prej shteteve më të pasura në botë. Jugosllavia për 30 vite do të ketë 10 milionë banorë më shumë, pra afro 30 milionë”, thotë Stane Stanic.

Ndër të tjera aty thuhej se rritja e prodhimit të misrit në pesë milionë tonë do të barazonte bilancin e pagesave për vitin 2000, ndërsa ekspertët ekonomikë të Jugosllavisë thoshin se prodhimi mund të rritet madje në 30 milionë tonë.

“Me këtë bazë të pasur mund të realizojmë bashkëpunime dhe të zhvillojmë institucionet e industrisë dhe ato shkencore. Kjo do të çojë në transformimin aktual të fshatit. Misri mund të jetë prodhimi kryesor strategjik”, pohonte Stanic.

E kur ishte fjala për metalet ngjyra, ai edhe aty ishte optimist duket theksuar se fshihet mundësia që do ta shpie “Jugosllavinë” në një të ardhme më të mirë.

E, cila doli të jetë ajo e ardhme, e dini të gjithë