Kompania Rajonale e Ujësjellësit “Hidroregjioni Jugor” Sh.A., Njësia Prizren, ka njoftuar se për shkak të ndërprerjes së paparalajmëruar të energjisë elektrike është destabilizuar furnizimi me ujë të pijshëm në disa zona të qytetit dhe fshatrave përreth.
“Për shkak të ndërprerjes së paparalajmëruar të energjisë elektrike, është destabilizuar furnizimi me ujë të pijshëm në disa zona”, thuhet në njoftimin e kompanisë, raporton PrizrenPress.
Nga ndërprerjet janë prekur stacionet e pompave në 40 Burime, Shpati, Kazerma, Sozi, Kjush 1 dhe 2 si dhe Vermicë. Si pasojë, furnizimi me ujë është i pamundur në disa lagje dhe fshatra.
“Zonat e prekura janë: Lagjja Janina, rruga Nënë Tereza (pjesërisht), rruga Flamuri, rruga Ukë Bytyqi, lagjja Dardania 2, lagjja Kurilla (pjesërisht) si dhe fshatrat Zhur, Shkozë, Dobrusht dhe Vermicë”, saktëson njoftimi.
Zyrtarët e ujësjellësit bëjnë të ditur se ekipet e tyre janë në terren për të monitoruar situatën dhe rikthimi i ujit do të bëhet menjëherë sapo të rikthehet energjia elektrike.
“Ekipet tona janë në terren dhe sapo të rikthehet energjia elektrike, do të angazhohen menjëherë për rikthimin sa më të shpejtë të ujit”, thekson kompania.
Për të garantuar furnizimin minimal me ujë, disa stacione pompimi po punojnë me gjenerator.
“Stacionet e pompave tek 40 Burimet, Zozi dhe Kojush 1 janë duke funksionuar me gjenerator”, thekson “Hidroregjioni Jugor”.
Në fund, kompania ka falënderuar qytetarët për mirëkuptimin dhe bashkëpunimin./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
