“Në Malishevë ka ardhur koha për ndryshim” – kështu u theksua sot në takimin e Qendrës së Lëvizjes Vetëvendosje në këtë komunë, ku në prani të kryeministrit në detyrë Albin Kurti u zyrtarizua kandidatura e Valon Hotit për kryetar të komunës.
Takimi u mbajt me pjesëmarrjen e Sekretarit Organizativ Alim Rama, Koordinatorit të Qendrës Gani Krasniqi, deputetit Salih Zyba dhe ish-deputetes Jetmire Vrenezi, ku u konfirmua mbështetja e plotë dhe e parezervë për Valon Hotin – deputet i Kuvendit të Kosovës – si kandidati që do të sjellë një qeverisje të drejtë, zhvillim dhe dinamikë të re për Malishevën.
Sipas Lëvizjes, qytetarëve u duhet një komunë që punon ndershëm, qeveris drejt dhe zhvillon çdo lagje e çdo fshat, ndërsa Valon Hoti do të angazhohet për t’i dhënë fund padrejtësive dhe neglizhencës që, sipas tyre, kanë karakterizuar qeverisjen lokale.
“Nën udhëheqjen e Valonit dhe me Lëvizjen në pushtet lokal, ndërlidhja komunë-qeveri do të funksionojë siç duhet, duke sjellë projekte të reja për Malishevën”, u tha në këtë takim mobilizues, ku u bë thirrje për angazhim maksimal deri më 12 tetor.
“Urime të gjithë aktivistëve dhe qytetarëve të Malishevës! Le të punojmë për çdo orë të mbetur, në çdo lagje e çdo fshat, për fitoren e madhe të 12 tetorit”, përfundon komunikata./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/