Qendra Kryesore e Mjekësisë Familjare në Prizren, ka filluar vizitat sistematike shëndetësore për nxënësit e klasave të para, të pesta dhe të nënta.
Drejtori i QKMF-së, Mehmedali Gashi tha se stafi mjekësor është shumë i përgatitur për realizimin sa më të suksesshëm të këtij aktiviteti.
“Qëllimi i vizitave është vlerësimi i gjendjes shëndetësore të fëmijëve dhe identifikimi i hershëm dhe me kohë i anomalive eventuale të patologjive të fëmijëve”, tha Gashi,transmeton TVPZ.
Sipas tij, kontrollit sistematik mjekësor, sivjet do t’i nënshtrohen 7800 nxënës të të gjitha komuniteteve në Prizren.
Ndërkaq, kryetari i Prizrenit, Ramadan Muja, tha se ky aktivitet shëndetësor është shumë i rëndësishëm.
“ Pas këtyre kontrolleve e dimë gjendjen shëndetësore të nxënësve”, tha Muja./PrizrenPress.com/