Në Komunën e Malishevës deri më tani janë shëruar 75 persona të prekur me COVID-19 dhe ka mbetur vetëm edhe një rast aktiv.
Edhe dje, nuk është regjistruar asnjë rast i ri me COVID-19 nga Komuna e Malishevës dhe kjo është konfirmuar në komunikimin zyrtar në mes të komunës dhe IKSHP-së.
Nënkryetari i Komunës së Malishevës, Hajdin Berisha ka bërë thirrje qytetarëve për të vazhduar me kujdesin e shtuar në raport me pandeminë.
“Të mbajnë maskat dhe dorëzat, të ruajnë distancën sociale, t’iu shmangen takimeve ku ka shumë njerëz dhe të vazhdojnë ti respektojnë rekomandimet dhe udhëzimet e institucioneve përgjegjëse shëndetësore, me qëllim të ruajtjes së shëndetit”.
Gjendja aktuale me COVID-19, në Komunën e Malishevës është kjo: 77 të prekur me COVID-19, prej tyre 75 janë shëruar, një rast është aktiv dhe një rast i vdekjes.