Ish-kryeparlamentari i Kuvendit të Kosovës, Jakup Krasniqi përmes një postimi në rrjetin social Facebook ka shprehur habinë për personat të cilët e sugjerojnë kryeministrin shqiptar, Edi Rama për vizitën që do t’i bëj Beogradit me 22 tetor.
Ai ka shkruar se habitet me ata njerëz që i japin udhëzime kryeministrit Rama si të veproj në këtë situatë, sikurse të ishin politikbërës të Shqipërisë.
Lexoni postimin e plotë të Krasniqit në Facebook:
Nga kush duhet marr këshilla për shkuarjen në Beograd?
Unë habitem me shumë njerëz që e sugjerojnë Kryeministrin e Shqipërisë, zotin Edi Rama që të shkoi ose të mos shkoi në Beograd, thuajse ata janë politikbërësit e Shqipërisë. Nuk e beje ketë gafë, se konsideroj që, Edi Rama, i cili ka marr përgjegjësinë dhe vullnetin e shumicës qytetare dhe parlamentare për të qeverisur në Shqipëri, e dinë mirë se çka duhet bërë ne situata të tilla jo edhe aq të lehta. Madje ai e udhëheqë një parti të madhe politike me kuadro të shumtë e më traditë në politikbërje, ka një koalicion qeverisës me të cilët duhet të konsultohet, e pastaj mbi bazën e këtyre konsultimeve duhet ta merren vendimin përfundimtar, që të shkoi apo jo në Beograd. Nëse mbi bazën e konsultimeve e merr vendimin, ky fakt duhet përshëndetur!
Nuk e mohoj faktin se Edi Rama nuk paska nevojë për këshilla të urta, por nuk besoj që ka nevojë për këshilla të atyre që në bisedimet me palën serbe nuk kanë arritur ndonjë sukses ne normalizimin e marrëdhënieve me palën serbe. Konsideroj se këshilltari më i mirë sesi duhet biseduar me palën serbe, është përvoja e ndjekur nga udhëheqësit e shtetit kroat me ata serbë. Përvoja e bisedimeve në mes të Kosovës e Serbisë me ndërmjetësimin e Brukselit, nuk duhet përsëritur më kurrë nga pala shqiptare, as e Shqipërisë e as e Kosovës.
Bisedime po, por si të bisedohet? Kjo është çështja.