Kryetari i Prizrenit, Ramadan Muja ka marrë vendim që të ndajë mjete nga buxheti për të financuar ceremonitë e varrimit të anëtarëve të shoqatave të dala nga ufta e UCK-së dhe të burgosurve politik.
Zëdhënësi i Komunës së Prizrenit, Ymer Berisha njoftoi se vendimi është marrë në mbledhjen e sotme të Ekzekutivit.
“Qeveria lokale e Prizrenit do të ndajë mjete buxhetore edhe për ceremonitë e varrimit të anëtarëve të shoqatave të dala nga lufta dhe të shoqatës së të burgosurve politik”, njoftoi Berisha.
Ekzekutivi i Prizrenit, sipas tij, po ashtu ka marrë vendim që të bëjë riparimin e objekteve të vjetra, të cilat paraqesin rrezik për sigurinë e lëvizjes së qytetarëve./PrizrenPress.com/