Policia e Kosovës (PK) ka arrestuar dy persona në fshatrat Mleqan dhe Gullboc të Komunës së Malishevës, nën dyshimin se kanë kryer veprën penale të armëmbajtjes pa leje.
Lajmi u bë i ditur në raportin 24 orësh të PK-së, ku thuhet se arrestimi ka ndodhur të enjten.
Sipas raportit, te i arrestuari i parë, gjatë kontrollimit të lokalit të tij, janë gjetur dhe konfiskuar dy pistoleta, dhe 159 fishekë, ndërsa te i arrestuari i dytë, gjatë kontrollimit të shtëpisë së tij, janë gjetur një armë zjarri AK-47 me 15 fishek.
“Me vendim të prokurorit, të dyshuarit pas intervistimit janë liruar në procedurë të rregullt.”, thuhet në raportin e PK-së.