13.9 C
Prizren
E premte, 19 Shtator, 2025

Arrestohen në Vërmicë dy të dyshuar për shitblerje të drogës

Dy 23-vjeçarë janë arrestuar të hënën në pikën kufitare në Vërmicë, pasi zyrtarët policorë u gjetën qese me substancë narkotikë të llojit marihuanë, në veturën e tyre, raporton Gazeta Sinjali.

Sinjali mëson se të dyshuarit po lëviznin me automjet në momentin që u ndaluan nga Policia kufitare nën dyshimet për gjësende të kundërligjshme, me ç’rast pas kontrollit policorë u zbulua një qese e plastikës me një sasi të caktuar të marihuanës.

Droga që u gjet u konfiskua, derisa sipas burimeve të Sinjalit, si prova janë sekuestruar edhe disa telefona, para e vetura e të dyshuarve.

Të rinjtë që po dyshohen për shitje dhe shpërndarje të paautorizuar të narkotikëve janë shoqëruar për në Policinë në Prizren, ku janë intervistuar nga hetuesit policorë për veprën me të cilën ngarkohen.

Me urdhër të Prokurorit të Shtetit, atyre u është caktuar masa e ndalimit prej 48 orësh.

Më Shumë

72 aksidente trafiku në 24 orët e fundit në Kosovë

Policia e Kosovës ka publikuar raportin ditor me të dhëna të përgjithshme për 24 orët e fundit, duke përfshirë statistikat e aksidenteve në trafik,...

Botohet libri i Arsim Bajramit “Konferenca e Rambujesë dhe intervenimi i NATO-s në Kosovë”

Ky studim është bërë në 25-vjetorin e mbajtjes së Konferencës së Rambujesë dhe bombardimeve të NATO-s në Kosovë, që mundësoi çlirimin dhe më vonë...

Lajmet e Fundit