Prokuroria Speciale e Kosovës ka njoftuar se është arrestuar M.P, serb i dyshuar se ka kryer krime lufte në një lagje në Prizren gjatë vitit 1998.
I arrestuari dyshohet për vrasjen e tre civilëve shqiptarë.
“Prokuroria Speciale njofton se ndaj të njëjtit është dorëzuar kallëzim penal me dyshimin se në shtator të vitit 1998, në Lagjen ‘’Hoqa Mahall’’ në Prizren, ka marr pjesë në vrasjen e tre (3) personave civil të nacionalitetit shqiptar, të cilët nuk ishin të përfshirë në luftë. Me urdhër të prokurorit të çështje, i pandehuri gjendet nën masën e arrestit dhe ndalimit policor, për tu dërguar tek Gjyqtari i Procedurës Paraprake, brenda afatit ligjor”, ka njoftuar Prokuroria Speciale.