Kryeministri britanik David Cameron ka thënë se NATO duhet të rishikojë sa është i zoti t’i mbrojë anëtarët e vet nga kërcënimet potenciale ushtarake të Rusisë e në dritën e krizës ukrainase, njofton Reuters.
“NATO gjithmonë ka dashur të jetë partner me Rusinë, jo kërcënues, por është e qartë se Rusia e sheh NATO-n vetëm si kundërshtar. Duhet ta pranojmë faktin se bashkëpunimi i viteve të fundit aktualisht është i pamundur për shkak të hapave ilegalë rusë te fqinjët e Aleancës dhe ne duhet të rishikojmë me ç’parime të udhëhiqemi në marrëdhëniet me Rusinë”, tha Cameron.
“Të gjithë aleatët e NATO -s kanë ndihmuar në përgjigjen e Aleancës në krizë dhe duhet të merremi vesh për prani të fuqishme në Lindje të Evropës për t’ia bërë me dije Rusisë se as NATO dhe as anëtarë e saj nuk janë të frikësuar”.