Këngëtarja ka në plan të zhvishet sërish e totalisht, pasi të sjellë në jetë fëmijën e dytë.
Sapo ka pozuar nudo për numrin e gushtit të revistës “V Magazine”, duke treguar format e shtatzënisë së saj. Mirëpo, sipas “In Touch Weekly”, biondja 33-vjeçare ka në plan të zhvishet sërish, pasi të sjellë në jetë fëmijën e dytë, duke treguar, pse jo, më shumë se deri tani.
“Ajo dëshiron të pozojë për Playboy – ka treguar një burim afër saj -. Ishte diçka që e donte ta bënte përpara shtatzënisë. Christina e adhuron së tepërmi trupin e saj”. Gjithsesi, pas lindjes së fëmijës, këngëtarja duhet të punojë shumë për të gjetur formën e duhur në mënyrë që të dalë para fotografëve të “Playboy”.
“Me të vërtetë që është shumë e vendosur të bëjë një gjë të tillë – vazhdon burimi – dhe duket se ka nisur të marrë masat që tani, në mënyrë që shtatzënia të mos i bëjë të fitojë peshë. Christina po bën plan të tregojë hapur të gjithë ‘asetet’ e saj…”.
Kjo do të ishte hera e parë për Aguilerën në revistën e famshme për adultë, ndërkohë që përpara saj e kanë bërë këtë disa personazhe të famshëm.