Aktori legjendar Robert De Niro ka konfirmuar se do të luajë rolin e krijuesit të veturës Ferrari, Enzo Ferrarit.
“Ferrari” do të jetë filmi i ri që do të realizohet nga aktori, i cili ka thënë se do të jetë një privilegj për të luajtur rolin e krijuesit të veturave.
“Është një nder dhe kënaqësi që do të luaj rolin e njeriut që bëri revolucion në botën e automobilave”, ka thënë De Niro për “Il Messaggero”.
“Do të jetë një tregim i bazuar në kreativitet, kurajë dhe i prirë për të befasuar audiencën e çdo shteti dhe moshe”, ka shtuar aktori.
Edhe pse ka pasur shumë filma për Enzo Ferrarin, filmi i ri do të jetë i bazuar në autobiografinë e Enzos, “Ferrari 80”.
Filmi pritet të fillojë xhirimet vitin e ardhshëm dhe raportohet se Clint Eastwood është shumë i interesuar të bëjë regjinë e filmit./Kohanet/