23.8 C
Prizren
E shtunë, 13 Prill, 2024

Diskutim me përkthyesen Zuzana Finger

Në një takim me përkthyesen Zuzana Finger, organizuar nga Qendra Multimedia, lexuesit do të mund të diskutojnë për letërsinë e Kosovës në Gjermani.

Qendra njofton se në prezantimin e saj Finger do të flasë për përvojën e saj si përkthyese si dhe për letërsinë nga Kosova të përkthyer e botuar në Gjermani.

Zuzana Finger ka lindur më 1959 në Sala, ish Çekosllovaki. Ajo ka studiuar gjuhët sllave dhe Ballkanologjinë në Universitetin e Berlinit dhe për doktoraturë ka pasur temën “Komunikimi i komunitetit Sllovako-Hungarez”. Që nga viti 2010 ajo është kuratore e historisë dhe trashëgimisë së studentëve gjerman. Në vitet 2013, 2014 dhe 2015 ajo ka qenë lektore e Albanologjisë në LMU në Munih. Ajo përkthen në gjermanisht nga gjuhët shqipe, serbishte, slovakishte dhe çekishte.

Ndër autorët shqiptar që ka përkthyer në gjermanisht janë Eqrem Basha, Arben Idrizi, Jeton Neziraj, Doruntina Basha, Halil Matoshi, Ervina Halili, Shpëtim Selmani, Ballsor Hoxha etj.

Zuzana Finger është duke qëndruar në Prishtinë si pjesë e programit writer-in-residence “Prishtina nuk ka lum” që organizohet nga Qendra Multimedia, ndërsa mbështetet nga TRADUKI dhe nga Goethe Institute.

Takimi me të mbahet në Qendrën Multimedia, më 25 nëntor me fillim nga ora 17:00.

Më Shumë

Bashkimi synon barazimin e serisë ndaj Yllit

Skuadra e Bashkimit nuk do ta ketë aspak misionin e lehtë në mbrëmje kur të përballet me Golden Eagle Yllin në kuadër të serisë...

Quni: Institucionet e sigurisë të jenë të vëmendshme karshi mundësisë së sulmeve nga Beogradi

Kosova dhe institucionet e sigurisë duhet të tregojnë vëmendje të veçantë karshi mundësisë së sulmeve nga ato kibernetike, hibride, asimetrike e deri të mundësitë...

Lajmet e Fundit