Këngëtari George Michael është në gjendje të keqe shëndetësore pasi të mërkurën mbrëma ai është dërguar në spital me ambulancë.
Dy autoambulanca janë dërguar në shtëpinë e yllit në veri të Londrës javën e kaluar, ka konfirmuar Shërbimi i ambulancës në Londër. Besohet se 50-vjeçari ka pësuar një “sulm misterioz” dhe një shok i brengosur ka telefonuar në numrin 999.
Dëshmitarët kanë thënë se autoambulancat janë larguar pas katër orësh me Michaelin në bord. Ai është dërguar në një spital të Londrës për trajtime të mëtutjeshme shëndetësore.
Mbrëmë, agjenti i Michaelit ka thënë për gazetën “The Sun” se klienti i tij është dërguar në spital për një kontroll të rregullt.
“Ai është dërguar për testet rutinë, por nuk kam çka të shtoj tjetër”, ka thënë ai.