22.8 C
Prizren
E hënë, 8 Gusht, 2022

Gjendet pa shenja jete një burrë në Lubizhdë të Prizrenit

Një ngjarje e rëndë ka ndodhur mbrëmjen e sotme në fshatin Lubizhdë të komunës së Prizrenit, ku një person është gjetur pa shenja jete.

Burimet e Gazetës Sinjali bëjnë të ditur se Policia ka pranuar një thirrje për t’i dalë në ndihmë një burri i cili ishte pa ndjenja dhe dyshohej se kishte ndërruar jetë.

Me të dalë në vendin e ngjarjes, njësitet policore kanë kërkuar ndihmën e ekipit mjekësor. Një ekip i Emergjencës i është përgjigjur thirrjes dhe posa arritën në lokacion, kryen ekzaminimet vitale dhe nga mjeku kujdestar u konstatua se viktima ka ndërruar jetë.

Ndërkohë Policia ka intervistuar një dëshmitar i cili ndodhej në vendin e ngjarjes, e që kishte provuar që t’i dalë në ndihmë personit që humbi jetën.

Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion dhe rasti është iniciuar ‘Hetim i vdekjes’.

Sinjali do t’iu mbajë të informuar me detajet e reja lidhur me rastin.

Më Shumë

Datat e ndeshjeve të fazës së parë të Superligës

Komisioni i Garave e ka përpiluar orarin e plotë të ndeshjeve të BKT Superligës për fazën e parë. Edicioni i ri i garave nis më...

Policia patrullon në ‘Marash’ të Prizrenit, kap në flagrancë dy të rinj me narkotikë

Përdorimi i substancave narkotike ka marrë përmasa shqetësuese në Kosovë. Ato po përdoren me të madhe, sidomos nga të rinjtë të cilët shpesh kapen...

Lajmet e Fundit