Kryetari i LDK-së në Prizren, Haxhi Avdyli është “habitur” kur ka parë sulmin e kryetarit të Prizrenit, Ramadan Mujës, ndaj Gjakovës.
“Po më Gjakovën c’pate?”, ka pyetur Avdyli.
Sipas tij, Ramadan Muja me këtë reagim ka pranuar se drejtorët e tij i kanë dalë duarsh.
Reagimi i Haxhi Avdylit në Facebook
Ku mbeti sensi i autokritikës,për të pranuar së Qeverisja më ka dalë duarsh,sepse isha i zënë me procese gjyqësore. Apo ndoshta të thuhet se ishim të lodhur,na janë shterr idetë,jemi pa plan.
Derisa Prizreni ka një buxhet relativisht të lartë ,ne krahasim me komunat tjera,këtu mungon plani për një zhvillim komunal. S’ka planifikim të qartë buxhetor, s’ka infrastrukturë modern,s’ka hapësira të gjelbëruara,s’ka ujë, s’ka shumë gjëra.
Nëse flasim drejtë ka pas edhe gjera që ishin me bollëk. Ato ishin skandalet e qeveritarëve,proceset gjyqësore,aferat korruptive,luksi qeveritar,punësimet partiake,nepotizmi,betonizimi,tenderomania, dhe mosqarjae kokës për hallet e qytetarëve. Prandaj është koha për ndryshim. Prizreni meriton një qeverisje ndryshe. /PrizrenPress.com/