Kryeqyteti i Finlandës planifikon që deri në vitin 2025 të transformojë rrjetin e tashëm të transportit në një sistem inovativ, i cili do t[iu mundësojë qytetarëve një sërë zgjidhjesh fleksibile dhe të bëjë përdorimin e automjeteve nëpër qytet krejtësisht të panevojshëm.
Projektin që para pak kohësh e kanë prezantuar zyrtarët e Helsinkit do të mund të inspironte edhe qytetet e tjera të mëdha që ballafaqohen me probleme të shtuara të trafikut, shkruan londinezja The Guardian.
Me këtë plan parashihet dyzimi i të gjitha llojeve të mjeteve transportuese (autobus, biçikletë, taksi, traget etj).
Qytetarët do të mund të përzgjedhin destincionin, të marrin vesh se si mund të arrijnë më së lehti deri në atë destinacion dhe të paguajnë, të gjitha këto me anë të aplikacionit në smartfon.
Parimi është fare i thjeshtë: nevojitet vetëm të jepet adresa e nisjes dhe ajo e arritjes në destinacion, si dhe të përzgjidhet mjeti transportues. Aplikacioni, për të cilin iniciatorët pohojnë se do të jetë lehet i përdorshëm, do të funksionojë si planifikues i udhëtimit dhe si platformë universale për ndërlidhjen e të gjitha opsioneve të transportit urban.