Teatri Shqiptar i Shkupit do të shfaqë sonte premierën e dramës “I burgosuri i katit të 15-të” të autorit Nil Sajmon, në regji të Donald Hasanit.
Rolet në këtë komedi i interpretojnë aktorët Vjollca Bekteshi Hamiti, Muzbajdin Qamili, Teuta Ajdini Jegeni, Drita Kaba Karaga dhe Flora Kadriu.Asistent i regjisë është Genci Mirzo, skenografinë e ka bërë Erald Bakalli, ndërsa kostumet Genta Spahiu.
Autori i komedisë, Sajmon (i lindur më 1927), është dramaturg dhe skenarist amerikan, një nga shkrimtarët më të suksesshëm në historinë e Broduejit dhe një nga autorët veprat e të cilit janë interpretuar më së shumti në mbarë botën. Është fitues i 3 çmimeve teatrore Toni (nga 17 nominimet), 4 herë ka qenë i nominuar për Oskar, ndërsa është fitues edhe i çmimit Pulicer, si dhe i Globit të Artë.
Premiera do të shfaqet sonte, me fillim në orën 20, në Teatrin e Komedisë, ish-Teatri Popullor i Maqedonisë, ndërsa repriza e parë është pasnesër, më 6 dhjetor.