12.8 C
Prizren
E hënë, 27 Mars, 2023

Jasharaj: Të mos u bëhet presion mësimdhënësve për rezultatet e PISA-s

Kryetari i Sindikatës së Bashkuar të Arsimit, Shkencës dhe Kulturës së Kosovës (SBASHK), Rrahman Jasharaj, po kërkon që të mos u bëhet presion mësimdhënësve për rezultatet e dobëta që nxënësit kosovarë shënuan në Programin për vlerësimin ndërkombëtar “PISA 2018”.

Dy ditë pas publikimit të rezultateve të këtij testi, ku Kosova u rendit ndër vendet e fundit, Jasharaj ka deklaruar për gazetën se Sindikata nuk do të lejojë të fajësohen mësimdhënësit për këtë dështim, shkruan sot “Koha Ditore”.

Sipas tij, fajtorë janë të gjithë ministrat e deritanishëm, drejtoritë komunale, si dhe vetë sistemi i arsimit. Ai ka paralajmëruar se nëse pas këtyre rezultateve Qeveria tenton t’i fusë mësimdhënësit në test dhe t’ua zbresë atyre pagat, do të ballafaqohet me veprime të ashpra nga SBASHK-u.

Jasharaj nuk e ka përjashtuar mundësinë e një greve tjetër në fillim të vitit të ardhshëm, nëse mësimdhënësve nuk u dalin pagat me rritje sipas Ligjit të pagave të miratuar në shkurt të këtij viti. Në janar të këtij viti ishte mbajtur grevë 3-javore në arsim, pasi SBASHK-u kërkonte që në Ligjin për paga të ngriheshin koeficientet e pagave të punëtorëve të arsimit.

Më Shumë

FOTOT: Në radhë për ushqimin, pamje nga Turqia pas tërmetit shkatërrimtar

Tërmeti i 6 shkurtit ishte padyshim ndër më të fuqishmit ndonjëherë dhe me pasoja shkatërrimtare për Turqinë e Sirinë. Gazetarët që kanë raportuar nga vendet...

Krasniqi, Kurtit: Në vilën e kasapit të Kosovës, Titos, pranove të gjitha ato që i kundërshtoje

Kreu i Partisë Demokratike të Kosovës, Memli Krasniqi, ka kritikuar ashpër kryeministrin e vendit, Albin Kurti, për marrëveshjen e arritur në Ohër me presidentin...

Lajmet e Fundit