Ndonëse tregu i gjelbër dhe i gjësendeve tjera në fshatin Ratkoc të Rahovecit është funksional kohë më parë, megjithatë shumë tregtarë vazhdojnë të tregtojnë mallrat e tyre në trotuar.
Kjo po shkakton shqetësim serioz për banorët e këtij fshati, pasi që hapësira për lëvizje të lirë po ngushtohet dukshëm. Madje në rrugët e këtij fshati ku zhvillohet tregu ka pasur edhe persona të aksidentuar.
As policia dhe as inspektorët e tregut nuk e kanë parë të arsyeshme që të ndërhyjnë për të liruar hapësirat publike të fshatit. Të dielave banorët e fshatit Ratkoc janë të detyruar që të kufizojnë lëvizjet e tyre, sepse ka raste kur njerëzit bllokohen në shtëpitë e tyre, për shkak të parkimit të gabuar të njerëzve që vijnë për treguar/botapress/