Gjatë 24 orëve në Kosovë janë konfirmuar 11 raste të reja me koronavirus dhe dy pacientë të shëruar duke çuar kështu në 895 numrin e të prekurve me Covid 19 në Kosovë.
Të dhënat janë bërë të ditur nga IKSHPK-ja, në bazë të 196 mostrave të marra nga Klinika Infektive dhe gjurmimi i kontakteve të rasteve në terren. Nga 11 rastet e mbrëmshme 3 ishin nga komuna e Prizrenit.
Detaje nga atje ka sjellë në një lidhje direkte për T7 dhe Gazetën Express, kryetari i komunës së Prizrenit, Mytaher Haskuka.
“Ditëve të fundit i kemi pesë raste të shfaqura. Një nga ta ka ardhur nga Qendra e Konvikteve dhe një person tjetër është diagnostiku me Covid në QKUK pasi që ka shku atje. Tre personat e fundit janë raste të kontakteve”, sqaron ai.
Tutje, kreu i komunës së Prizrenit bën me dije se fluksi i qytetarëve kosovarët gjatë këtyre ditëve ka qenë më i shtuar se sa në ditët e kaluara.