25.8 C
Prizren
E hënë, 24 Qershor, 2024

Kuba vë në dispozicion të studiuesve amerikanë rreth 2 000 dokumente për Heminguejin

80971Telegrami që njoftonte marrjen e çmimit Nobel për Letërsinë nga romancieri amerikan Ernest Hemingueji bën pjesë në rreth 2 000 dokumentet që Kuba vuri në dispozicion të shkencëtarëve të Shteteve të Bashkuara të Amerikës, njoftoi sot një revistë kulturore kubaneze.

Më tepër se 2 000 dokumente të ruajtura në muzeun Finca Vigia të Havanës, rezidenca e Heminguejit në lartësitë jugore të kryeqytetit kubanez, janë tashmë në dispozicion të shkencëtarëve amerikanë pasi janë dixhitalizuar dhe transferuar në bibliotekën dhe muzeun John F. Kennedy, shpjegon revista “Cuba Comtemporanea” në faqen e saj të internetit cubacontemporanea.com.

“I gjithë ky material pasqyron jetën e përditshme të Heminguejit në Kubë dhe ofron një vizion shumë personal të jetës së tij”, i shpjegoi revistës Susan Wrynn, punonjëse në bibliotekën ”Kennedy”.

“Ndër të tjera, është telegrami i doktor Anders Osterling, i Akademisë suedeze, ku njoftohet Hemingueji se ka fituar çmimin Nobel në vitin 1954, dhe disa mesazhe urimi nga Carl Sandburg, Spencer Tracy, Veronica Cooper, bashkëshortja e Gary Cooper, apo edhe John Huston. Ernest Hemingueji jetoi në Kubë nga viti 1939 deri në 1960-n ku ai u frymëzua veçanërisht për veprën “Plaku dhe deti”.

Më Shumë

Euro 2024 vjen me tre ndeshje këtë të enjte

Anglia, një nga favoritët e Euro 2024 mund të fitojë biletën për në 16-shen e fundit nëse mposht Danimarkën në ndeshjen e dytë të...

Inspektorët e Prizrenit largojnë materialet e vendosura në hapësirat publike

Inspektorët e Komunës së Prizrenit kanë ndërmarrë një aksion për largimin e pllakave të qeramikës, kubëzave, mermerëve dhe materialeve të tjera të vendosura nga...

Lajmet e Fundit