Kryeministri Albin Kurti i shoqëruar edhe nga ministri i Mbrojtjes, Armend Mehaj, po realizojnë një vizitë dyditëshe në shtetin e Iowas në SHBA.
Të premten e 13 prillit, kryeministri Kurti, takimet zyrtare I fillon me Guvernatoren e 43 të këtij shteti, Kim Reynolds, për të vazhduar me sekretarin e agrikulturës, Mike Naig.
Kryeministri KLurti do të jetë prezentë dhe në hapjen e shërbimeve të Konsullatës kurse më vonë gjatë ditës do të pritet në takim nga Gjeneralmajor Benjamin Correll, I cili është edhe komandant i Gardës Kombëtare të Iowas, me të cilën FSK-ja ka bashkëpunim të ngushtë.
Marrëdhënia speciale në mes Republikës së Kosovës dhe Shtetit të Iowa-së i ka zanafillat qysh nga ditët e para të çlirimit të Kosovës. Prezenca e ushtarëve amerikan me origjinë nga Iowa në Kosovën e çliruar ka kontribuar në ndërtimin e një shoqërie demokratike, të lirë dhe të orientuar drejt vlerave perëndimore. Janë ushtarët e të dy vendeve që kanë filluar partneritetin ushtarak I cili më vonë u shndërrua në partneritet në mes Republikës së Kosovës dhe shtetit të Iowa-së dhe më vonë rezultojë me hapjen e Konsullatës tonë në kryeqytetin Des Moines.
Republika e Kosovës dhe Shteti i Iowa-së nënshkruajnë marrëveshjen e shteteve simotra me 07 korrik 2013. Marrëveshja u nënshkrua nga Presidentja në atë kohë Atifete Jahijaga dhe
Guvernatori i Ioëa-së në atë kohë Terry Branstad.
Ky partneritet ka një rëndësi të veçantë pasi krijon mundësi të reja për shkëmbimin e përvojave midis dy shteteve tona, mundësi për zhvillim në fushat e ekonomisë, kulturës, bujqësisë, infrastrukturës, drejtësisë dhe arsimit .
Pas nënshkrimit të partneritetit në vitin 2013, Qeveria e Republikës së Kosovës në bashkëpunim me Ministrinë e Punëve të Jashtme hapi Konsullatën e Republikës së Kosovës në Des Moines me 29 janar 2016, duke dëshmuar se Qeveria e Kosovës e çmon dhe e vlerëson partneritetin me Iowa-në si reciprokisht të dobishëm.
Përmes këtij partneriteti, u krijuan mundësitë për thithjen e investimeve, rritjen e kapaciteteve njerëzore, shfrytëzimin e potencialit tonë natyror si dhe për promovimin e vlerave tona të përbashkëta. Ky partneritet ndërmjet Kosovës dhe Iowa-së ka ndihmuar në shkëmbimin e vlerave dhe përvojave dhe do t'u ofrojë qytetarëve të të dy shteteve mundësi më të mëdha.
Memorandumet e bashkëpunimit në mes të institucioneve të Kosovës dhe Ioëa-së janë:
-Memorandum Bashkëpunimi në mes të Universitetit të Prishtinës dhe Kolegjit të
Bujqësisë dhe Shkencave të Universitetit të Ioëa State. Gusht 29, 2012
-Memorandum Bashkëpunimi në mes të Ministrisë së Punëve të Jashtme të Republikës së
Kosovës dhe Kolegjit Ligjor të Universitetit të Iowa. Shtator 10, 2015
-Memorandum Bashkëpunimi në mes të Akademisë Diplomatike në Ministrin e Punëve të
Jashtme të Republikës së Kosovës dhe Kolegjit Ligjor të Universitetit të Iowa. Dhjetor
08, 2015
-Memorandum Bashkëpunimi në mes të Des Moines Area Community College
(DMACC), Des Moines, IA dhe Ministrisë së Arsimit, Shkencës dhe Teknologjisë të
Republikës së Kosovës. Prill 03, 2017.
-Memorandum Bashkëpunimi në mes të Universitetit të Northern Ioëa dhe Ministrisë së
Arsimit, Shkencës dhe Teknologjisë të Republikës së Kosovës. Prill 04, 2017.
-Memorandum Bashkëpunimi në mes të Universitetit Drake, Des Moines, IA dhe
Ministrisë së Arsimit, Shkencës dhe Teknologjisë të Republikës së Kosovës. Prill 05,
2017.
– Memorandum Bashkëpunimi në mes të Universitetit të Iowa, Iowa City, IA dh Universitetit të Prishtinës “Hasan Prishtina”. Prill 05, 2017, etj.
RTKLIVE