24.9 C
Prizren
E martë, 1 Korrik, 2025

Sulmohet zyrtarja e Drejtorisë së Urbanizimit në Suharekë

Një rast i rrahjed ka ndodhur  në objektin e komunës sëSuharekës, ku është sulmuar një zyrtare e Drejtorisë së Urbanizimit.

Sinjali mëson se i dyshuari që sulmoi kolegen e tij është zyrtar për diasporë në Drejtorinë e Kulturës, në komunën e Suharekës. Ai dyshohet se ka sulmuar koordinatoren e Urbanizimit, gjatë ditës së djeshme, në zyrat e komunës.

Mollë sherri për përleshjen u bë një hartë zonale, ku përfshihen fshatrat e komunës së Suharekës, për të cilën ka nisur diskutimi mes dy zyrtarëve.

Mosmarrëveshja kaloi në konflikt fizik, pasi i dyshuari ka kërkuar nga koordinatorja një hartë normale dhe jo në monitor, siç ajo ia ka prezantuar. Në ato momente, viktima ka kërkuar ndihmë nga një zyrtar tjetër, por kjo vetëm sa e tensionoi situatën. Zyrtari për diasporë dyshohet se e ka kapur për krahu viktimën, duke e shtyrë, me ç’rast s’e ka lejuar të dalë as nga zyra.

Për shkak të sulmit që ia shkaktoi kolegu, viktima ka pësuar lëndime truporë dhe ka marrë trajtim në Qendrën e Mjekësisë Familjarë në Suharekë.

Palët e përfshira jën intervistuar në Polici pas denoncimit të rastit dhe Prokuroria ka urdhëruar që të nisin hetimet për veprën penale “sulm ndaj personit zyrtar”.

Më Shumë

Zyrtare: Ylli bëhet me trajner të ri

K.B. Golden Eagle Ylli është bërë më trajneri të ri. Trajneri i njohur zyrtarisht është emëruar në krye të bankinës së skuadrës nga Suhareka. Ylli përmes...

Zafir Berisha prezanton iniciativën politike “Bashkimi Demokratik i Prizrenit” – gati për zgjedhjet lokale të 12 tetorit

Kryetari i Bashkimit Demokratik, Zafir Berisha, prezantoi zyrtarisht iniciativën qytetare politike “Bashkimi Demokratik i Prizrenit” (BDP), e cila do të garojë në zgjedhjet lokale...

Lajmet e Fundit