Instituti Demokratik i Kosovës (KDI) në bashkëpunim me Misionin e OSCE-së në Kosovë ka mbajtur aktivitet lidhur me hartimin e Planit vjetorë të punës së Kuvendit të Komunës së Rahovecit.
Qëllimi i këtij aktiviteti ishte edhe ngritja e efikasitetit të punës së Kuvendit të Komunës së Rahovecit dhe komiteteve obligative.
Të pranishëm në këtë aktivitet ishin kryesuesi i Kuvendit të Komunës së Rahovecit, Nahit Elshani, anëtarë të Komitetit për Politik dhe Financa si dhe drejtorë të drejtorive komunale të Rahovecit.
Nahit Elshani ka përshëndetur organizatorët e këtij aktiviteti duke e konsideruar të domosdoshëm bashkëpunimin në ngritjen e efikasitetit të punës së kuvendit përmes asistencës nga organizatat bashkëpunuese.
Adem Kollari përfaqësues i OSCE-s në theksoi nevojën e hartimit të Planit të punës së Kuvendit të Komunës, plan ky i cili edhe obligohet me ligj që kuvendet e komunave ta kenë si dokument andaj edhe ky aktivitet do të orientohet drejt finalizimit të planit të punës.
Naim Cahanaj përfaqësues i KDI-së po ashtu potencoi nevojën e hartimit të Planit të punës së Kuvendit të Komunës së Rahovecit dhe falënderojë Kryesuesin e Kuvendit të Komunës së Rahovecit dhe të tjerët të pranishëm për bashkëpunimin e treguar deri më tani me KDI-në duke përmendur faktin e gatishmërisë së këtij institucioni për themelimin e Komiteteve konsultative, si pjesë e inicimit nga ana e organizatës sonë andaj edhe ky aktivitet do të kontribuon në ngritje të efikasitetit të punës së kuvendit të komunës së Rahovecit dhe në interes të qytetarëve.
Aktiviteti është realizuar në tri pjesë, ku pjesa e parë ka qenë ndarja në grupe për identifikimin e qëllimi në hartimin e Planit të punës, pjesa e dytë në prezantimin e agjendës legjislative nga ana e drejtorëve të drejtorive komunale dhe pjesa e tretë në hartimin të Planit të punës së Kuvendit të Komunës së Rahovecit për vitin 2014, në korniza të trasha.
Të gjithë të pranishmit kanë dhen kontributin e tyre në plotësimin e Planit të punës për vitin 2014, plan ky i bazuar edhe në transparencë të plotë karshi publikut dhe në ngritjen e efikasitetit të punës së këtij institucioni.
Si rezultat i këtij aktiviteti është arritur të hartohet Plani i punës dhe ky Plan i punës është paraparë që në seancën e prillit të miratohet në Kuvendin e Komunës së Rahovecit.