Kryetari i Komunës së Malishevës, Isni Kilaj, ka pritur sot në një takim, drejtuesit e OJQ-së “Nine Eleven”, të cilët tradicionalisht organizojnë festivalin e filmit “Nine Eleven”, me të cilët ka nënshkruar marrëveshjen e bashkëpunimit dhe bashkëfinancimit, të kësaj ngjarje të madhe kulturore dhe artistike.
Bazuar në marrëveshjen e nënshkruar, Komuna e Malishevës, do ta mbështes këtë festival, me rreth tre mijë euro.
Festivali “Nine Eleven”, organizohet në shenjë falënderimi për popullin amerikan dhe solidarizim me viktimat e 11 shtatorit dhe këtë vit, ky festival është jubilar, pasi mbahet edicioni i dhjetë me radhë.
Festivali parashihet të mbahet nga data 7 deri më 11 shtator në Prishtinë, ku filmat e përzgjedhur duhet të jenë filma shqip, apo edhe filma të huaj me tematikë shqiptare./PrizrenPress.com/