14.1 C
Prizren
E martë, 13 Prill, 2021

Ministria e Shëndetësisë jep sqarime rreth furnizimit me vaksinën anti-Covid

Ministria e Shëndetësisë (MSh), Instituti Kombëtar i Shëndetit Publik, zyrat e Organizatës Botërore të Shëndetësisë dhe UNICEF-it në Kosovë, kanë dhënë informacione në lidhje me procesin e vaksinimit kundër Covid-19

Në njoftimin e MSh-së është thënë se Kosova i ka plotësuar kriteret e kërkuara për ta siguruar vaksinën, por prioritet i është dhënë shteteve me situatë më të rënduar epidemiologjike.

“MSh i siguron qytetarët se ky angazhim do të jetë maksimal, përtej çdo interesi, në përmbushje të obligimit për të siguruar shëndetin e qytetarëve, deri në pranimin e dozave të para që besojmë se do të ndodh së shpejti dhe në përmbylljen e programit të vaksinimit kundër Covid-19”, ka njoftuar MSh-ja.

Njoftimi i plotë i MSh-së:

Ministria e Shëndetësisë e Republikës së Kosovës dëshiron të ndajë me publikun e gjerë informacionet të cilat kanë të bëjnë lidhur me angazhimet për sigurimin e vaksinës kundër Covid-19.

Duke e ditur faktin se kërkesat për vaksinën do të jenë të mëdha gjithandej, që nga muaji korrik 2020, MSh ka filluar aktivitetet për të siguruar qasje sa më të shpejtë në sigurimin e vaksinës, në disa drejtime, duke përfshirë aplikimin përmes mekanizimit global COVAX në njërin drejtim dhe kontaktimin me shtete partnere dhe drejtpërdrejt me kompani prodhuese të vaksinave kundër Covid-19.

COVAX, është një iniciativë globale që synon qasje të barabartë në vaksinat kundër Covid-19, të udhëhequra nga Aleanca e Vaksinave GAVI, Organizata Botërore e Shëndetësisë, Koalicioni për Inovacione të Gatishmërisë Epidemike dhe të tjerë.

1.

Me të vendosur të kontakteve të para mekanizmin COVAX dhe caktimit të pikës fokale për kontaktet e Kosovës me këtë mekanizëm, Ministrisë së Shëndetësisë i është konfirmuar nga zyrtarët e këtij mekanizimi (ku marrin pjesë OBSh, UNICEF, Banka Botarore, fondacione të ndryshme bamirëse, agjensi teknike ndërkombëtare, prodhues të vaksinave, etj.) se Kosova është kualifikuar në mesin e 92 shteteve (me të ardhura të vogla dhe të mesme), të cilat përmes këtij mekanizimi do të marrin falas vaksinën kundër COVID-19 për 20% të populaltës apo në rastin e Kosovës, doza të mjaftueshme për 360.000 banorë.

Më tej është bërë edhe aplikimi zyrtar në këtë mekanizëm, është përgatitur dhe miratuar edhe Plani Shtetëror i vaksinimit kundër COVID-19 në Kosovë (sipas skenareve të propozuara të shpërndarjes së vaksinave nga COVAX), janë ngritur kapacitetet e duhura të Zinxhirit të ftohtë të ruajtjes së vaksinës, janë kryer trajnimet e personelit shëndetësor në modulet e nevojshme për sigurimin e njohurive dhe shkathtësivëe të reja për aplikimin e vaksinës kundër COVID, janë përcaktuar kategoritë që do të vaksinohen në tre faza si dhe është bërë edhe manuali për mbikëqyrjen dhe hetimin e efekteve anësore potenciale, i zhvilluar nga Instituti Kombëtar i Shëndetësisë Publike.

Përveç planit, që është bërë publik edhe në ueb faqen e Ministrisë së Shëndetësisë: (https://msh.rks-gov.net/ëp-content/uploads/2021/02/Plani-Shteteror-i-Vaksinimit-kunder-Covid-19.pdf), janë siguruar edhe të gjitha procedurat e tjera që kanë të bëjnë me importin e vaksinave dhe përmbushjen e të gjitha kushteve nga Kosova për t’i marrë vaksinat nga ky mekanizëm.

Zyrtarët e COVAX, i kanë konfirmuar MSh-së marrjen e këtij plani të cilin e kanë vlerësuar të pranuar/konfirmuar.

Mgid

KETO DIET
Studentë nga gjetën mënyrën për të humbur 15 kg në 2 javë
MËSO MË SHUMË?
Me datë 3 shkurt 2021, mekanizmi COVAX ka publikuar në ueb faqen e saj edhe itinerarin e shpërndarjes së vaksinave për vendet përfituese, ku Kosova, sipas njoftimit/ itinerarit fiton 100.800 doza të vaksinës Astra Zeneca, në fund të muajit shkurt (përkatësishtën në kuartalin e parë Q1 të vitit 2021 (janar-mars 2021).

Pas këtij njoftimi të COVAX, përmes kontakteve me pikën fokale që MSh ka në këtë mekanizëm, i është bërë edhe një rishikim Planit Shtetëror të Vaksinimit, duke synuar që në fazën e parë të vaksinohen grupet prioritare apo 3% e popullsisë, plan ky i detajuar që ka përmbajtur një planifikim të saktë edhe për dy fazat e tjera të vaksinimit, duke përfshirë vaksinimin më pas edhe të 17% të popullsisë dhe më vonë edhe të 50% të popullsisë, me qëllim që të arrihet mbulueshmëria me vaksinim prej 70% e popullsisë në Kosovë. Plani i rishikuar është pranuar nga COVAX.

MSh bashkë me IKSHPK, Zyrën e OBSH-së dhe Zyrën e UNICEF-it, pas përmbushjes së të gjitha kushteve, po pret konfirmimin final për marrjen e dozave të para të vaksinave kundër COVID-19, përmes mekanizimit COVAX.

2.

Drejtimi tjetër në të cilin është angazhuar MSh për sigurimin e vaksinave ka pasur të bëjë me kontaktet me shtetet e Bashkimit Evropian dhe drejtpërdrejt me prodhues të vaksinave.

Në emër të Republikës së Kosovës, Ministri i Shëndetësisë, bashkë me Komisionin për negocim për vaksinën anti-Covid, ka kontaktuar me përfaqësuesin e Pfizer, z. Roberto Rocha (Menaxher i vendit për rajonin Adriatik).

Më datë 7 dhjetor 2020 në mes të ministrit të Shëndetësisë, z. Armend Zemaj dhe përfaqësuesit të Pfizer, znj. Janine Small (President Global, Emerging Markets-Pfizer Biopharmaceuticals Group), është nënshkruar Marrëveshja Konfidenciale, si hap dhe kusht i parë për të vazhduar tutje me takime të tjera virtuale për negocim..

Më 16 dhjetor është mbajtur takimi i parë virtual midis MSh dhe Pfizer.

Më 30 dhjetor, MSh është njoftuar nëpërmjet e-mailit se nga përfaqësues të kompanisë se Pfizer e ka futur në listën e vet edhe Kosovën sa i përket mbështetjes për ndarjen e sasie të vaksinës kundër Covid-19, të ndara në disa kontigjente.

Sipas njoftimit që MSh kishte marrë më 30 dhjetor nga Pfizer, kjo kompani kishte bërë edhe orarin përcjellës të shpërndarjes së vaksinave për Kosovën, sipas të cilit 11.700 doza do të shpërndaheshin në fund të shkurtit nga Pfizer, 13.600 doza në Q2 -kuartalin e dytë të vitit dhe pjesa e tretë prej 2.374.650 dozave në pjesën e dytë të vitit 2021.

Në takimin e 5 janarit 2021, përfaqësuesit e Pfizer gjatë takimi virtual me Komisionit shtetëror për vaksinim, në prezencë të ministrit Zemaj, kanë konfirmuar se tashmë për Republikën e Kosovës janë siguruar 500.000 vaksina kundër këtij virusi nga kjo kompani dhe kanë dhënë aprovimin që kjo mund t’i komunikohet edhe publikut në Kosovë.

Më 8 janar, MSh-së i është konfirmuar sërish se 500.000 vaksina të Pfizer janë ndarë për Kosovën.

Në takimin 8 janarit, palët janë dakorduar që brenda javës, MSh-së t’i dërgohet edhe marrëveshja finale për nënshkrim.

Në çdo takim, pas 8 janarit, MSh ka kërkuar që palët ta kenë për nënshkrim marrëveshjen finale.

Edhepse MSh-së i është thënë nga përfaqësuesit e Pfizer se marrëveshja është e gatshme dhe do të dërgohet për nënshkrim, MSh se ka pranuar ende marrëveshjen në fjalë, dhe nuk është shpjeguar nga kompania në fjalë as pse ka vonesa në këtë drejtim.

3.

Përtej negocimit me Pfizer, MSh ka arritur pajtimin edhe me shtetin e Austrisë për sigurimin përmes tyre të 600 000 vaksinave, të cilat do të mund të merren pasi shteti austriak t’i ketë bërë blerjet e vaksinave në sasitë e nevojshme edhe për vete.

Angazhimet e BE-së ndërkaq për të ndihmuar vendet e Ballkanit Perëndimor për sigurimin e vaksinave kundër COVID-19 dihen, dhe ato deri tash nuk kanë rezultuar me sigurimin konkret të dozave të para, përkundër ndarjes së një shume të konsideruar të mjeteve financiare për këtë qëllim, nga të cilat, 7.5 milionë do të përfitojë edhe Kosova.

Në anën tjetër, MSh është e vetëdijshme për presionin që bëhet edhe nga vende të tjera lidhur me procesin e vaksinimit në Kosovë, në veçanti për ndërhyrjet që bën Serbia tek qytetarët (kryesisht të komunitetit serb), duke i ftuar ata që të vaksinohen në Serbi. Për më shumë, Serbia ka bërë shpërndarjen e një numri të vaksinave (kryesisht të vaksinës Sputnik të Rusisë dhe tjera) në Republikën Serbe të Bosnjës e Hercegovinës, në Malin e Zi dhe në Republikën e Maqedonisë së Veriut, por qytetarët e Kosovës, janë informuar edhe më parë se përcaktimi i Qeverisë së Republikës së Kosovës ka qenë i qartë prej fillimit që qytetarët kosovarë duhet të vaksinohen me vaksina të cilat kanë marrë miratim nga FDA, EMA dhe OBSh dhe jo me vaksina nga Serbia e Rusia.

Duke i siguruar qytetarët se Kosova i ka plotësuara të gjitha kriteret e kërkuara nga partnerët dhe mekanizmat e ndryshëm për të siguruar vaksinën, dëshiron të ritheksojë edhe faktin se prioritet për këtë mekanizma kanë qenë shtetet me situatë më të rënduar epidemiologjike ndërsa prodhuesit prioritet u kanë dhënë shteteve që paraqesin treg më të madh se Kosova.

Megjithatë, kjo nuk e ka dekurajuar asnjë zyrtar të Komisionit për negocim për vaksinën kundër Covid-19, Komitetin për përgatitjen e Planit shtetëror për vaksinim kundër Covid dhe partnerët që të vazhdojnë angazhimin e përditshëm deri arritjen e dozave të para të vaksinave.

MSh i siguron qytetarët se ky angazhim do të jetë maksimal, përtej çdo interesi, në përmbushje të obligimit për të siguruar shëndetin e qytetarëve, deri në pranimin e dozave të para që besojmë se do të ndosh së shpejti dhe në përmbylljen e programit të vaksinimit kundër Covid-19.

Më Shumë

Aktakuzë për keqpërdorim të detyrës zyrtare ndaj kryetarit të Malishevës, Ragip Begaj

Prokuroria Speciale e Republikës së Kosovës ka ngritur aktakuzë në Gjykatën Themelore në Prishtinë – Departamenti Special, kundër të pandehurit R.B., për veprën penale...

Ish-zëvendëskryeministrja pyet se për çka janë kushërinjtë pasi xhaxhai i Glauk Konjufcës u punësua në ministri

Ish-zëvendëskryeministrja Albulena Balaj-Halimaj ka reaguar nëpërmjet llogarisë së saj në Facebook lidhur me zhvillimet e fundit në vend. Së fundi u mësua se xhaxhai...

Varroset instrumentisti i njohur, Shaqir Hoti

I është dhënë lamtumira e fundit instrumentistit të njohur, Shaqir Hoti. Hoti u varros në Rugovë të Hasit të Gjakovës në një ceremoni ku morën...

FFK-ja përkrah Challandesin, por s’ia garanton gjatë vendin në stolin e Kosovës

Përzgjedhësi i Përfaqësueses së Kosovës, Bernard Challandes, është përballur me kritika të ashpra nga ata që e përcjellin futbollin në Kosovë. Kritikat në adresë...

Zafir Berisha përkujton masakrën e Lugishtës së Hasit

Kryetari i Nismës në Prizren, Zafir Berisha, përkujtoi sot të rënët e fshatit Lugishtë të Hasit. “Sot bëhen 22 vite nga masakra e forcave serbe...

Policit kufitar ia ofroi 50 euro, Gjykata e Prizrenit merr vendim për të

Gjykata Themelore në Prizren, ka caktuar masën e paraburgimit në kohëzgjatje 30 ditësh, ndaj të pandehurit E.R., për shkak të dyshimit të bazuar se...

Anton Quni: Nuk përjashtohet që kandidoj për kryetar të Prizrenit

Deputeti i LDK-së, Anton Quni ka folur rreth mundësisë së kandidimit të tij për kryetar të komunës së Prizrenit. Quni në DPT te Fidani në...

Shfaqet ylberi në Mars? NASA shpjegon imazhin e Perseverance

Imazhet e një ylberi në Mars të dërguara nga roboti Perseverance kanë bërë xhirot e rrjeteve sociale. Ndërsa roboti Perseverance, i cili mbërriti në tokën...

Murati: Do të mbështesim qiratë dhe pagat e punëtorëve për gastronominë

Ministri i Financave, Punës dhe Transfereve, Hekuran Murati, ka thënë se ideja kryesore aktualisht është që të mbështeten qiratë dhe pagat e punëtorëve si...

Vjedhje me vlerë 8 mijë euro në një shtëpi në Prizren

Një person ka njoftuar Policina e Kosovës se gjatë mbrëmjes personat të panjohur janë futur në shtëpinë e tij, duke i shkaktuar dëm në...

Rahoveci fiton derbin, kalon direkt në gjysmëfinale të plejofit

Rahoveci ka shmangur çerekfinalen e plejofit në Superligën e Kosovës në basketboll. Me fitore ndaj Golden Eagle Yllit të dielën në Rahovec, “vreshtarët” kanë...

Drita Millaku e VV’së shpall kandidaturën për kryetare të Prizrenit

Deputetja e Vetëvendosjes, Drita Millaku, përmes një shkrimi në llogarinë e saj në facebook, ka shpallur kandidaturën e saj për kryetarë të Prizrenit. Millaku ka...

Vdes ish-deputeti i Kuvendit të Kosovës

Sot ka vdekur ish-deputeti i Kuvendit të Kosovës, Blerim Baruti. I njeri ka qenë zyrtar i lartë në degën e LDK-së në Mitrovicë, ndërsa për...

LDK në Prizren: Haskuka po i kërcënon partitë me dëbim nga zyrat

Lidhja Demokratike e Kosovës(LDK) në Prizren ka reaguar rreth vendimit të Komunës për largimin e partive politike nga zyrat. Sipas këtij subjekti politik, kryetari i...

Një ëndërr e lënë përgjysmë

Edhe gjashtë muaj e ndanin nga dita që në vogëli e kishte ëndërruar kaq shumë. “Çdo gjë ishte gati”, kujton Genta Lala, “fustani, ftesat,...

Arrestohen dy persona në Prizren

Dy persona janë arrestuar në Prizren. Arrestimi i tyre është bërë me urdhër të gjykatës. Komunikata e policisë: ARRESTIM I PERSONIT TË KËRKUAR • Fsh. Vllashnje, Prizren...

Lajmet e Fundit