Enver Sulaj
Kush tha se njeriu është më i fortë se guri
Le të dalë në shi t’i shohë plasaritjet e shkëmbit
Kush tha se gjethet bien në vjeshtë
Le t’i shohë trungjet e kalbura skaj lumit
Para meje shtrihet pafund deti i egërsuar
Marinarët e dëshpëruar struken nën çatinë e zhgënjimit
Si fëmijë po luaj me rërën skaj lumit
Grimcat më djegin në sy
Nuk e di a jam verbuar
Apo drita e hënës u fsheh nga shtrigat
Shtator 2019