Deputeti i Kuvendit të Kosovës nga radhët e PDK-së Nait Hasani, ka komentuar deklaratën e kreut të AAK-së, Ramush Haradinaj, i cili tha sot se presidenti duhet të zgjedhet me votën e popullit.
Ai në një prononcim për Gazetën Blic, ka thënë se kjo mund të ndodhë, vetëm nëse partitë politike ulen dhe arrijnë një marrëveshje.
“Çdo gjë është e mundshme. Por nëse arrihet një marrëveshje e tillë, atëherë duhet të ndërrohet kushtetuta dhe të zgjedhet presidenti nga populli. Nëse jo, presidenti do të zgjedhet nga Kuvendi, ashtu si është në kushtetutë”, ka deklaruar Hasani.
Megjithëkëtë, ai nuk ka dhanë një përgjigje se a mund të mos zgjedhet Thaçi për president, përkundrazi, është shprehur skeptik lidhur me arritjen e një marrëveshjeje të tillë, ndonëse siç është shprehur tutje, ai ka thënë se me marrëveshjemund të bëhen të gjitha.
Ndryshe, lideri i AAK-së, deklaroi sot se Presidenti i ardhshëm i vendit duhet të zgjedhet direct nga qytetarët dhe se një marrëveshje e tillë politike, sipas tij, duhet të arrihet deri më 17 shkurt.
Për dallim nga kjo, Kryeministri i Kosovës e ka garantuar disa herë Hashim Thaçin për marrjen e postit të të parit të shtetit, respektivisht zbatimin e marrëveshjes në plotni, të koalicionit qeverisës PDK-LDK. /GazetaBlic.com