Ka ndërruar jetë Daut Bytyçi, arsimtar i shkollës në Kërvasari të Malishevës. Me një mbledhje komemorativ, kolektivit të shkollës, nxënësve dhe familjes, i shprehi ngushëllime edhe kryetari i Komunës së Malishevës,Ragip Begaj dhe Drejtoria e Arsimit në Malishevë.
“E bashkëndiej dhimbjen me ju mësues e nxënës të shkollës, pasi sot është ndarë nga ne një nga mësuesit më të mirë, por ju vazhdoni rrugën e tij. Mësuesi Daut, ka qenë një intelektual i kompletuar dhe vdekja e tij është një humbje e madhe, pasi kemi pasur ende nevojë për të”, tha kryetari i Malishevës,Ragip Begaj.
“Mësuesi Daut, vdiq siç vdesin njerëzit e mëdhenj”.
Ndërsa mësuesit e kësaj shkolle, duke folur për mësuesin Daut Bytyci, i cili vdiq, pas një sëmundje të rëndë, e vlerësuan lartë punën e tij 40 vjeçare në arsim dhe thanë se ka qenë “një mësues i dalluar në punë, mësues me shumë mirënjohje për punën e tij.
Madje kontributin e tij në arsim nuk e ndali as në kohën sa ka qenë i sëmurë”. Sipas tyre, Daut Bytyçi, ka qenë mësues i urtë dhe i dalluar, ndërsa shkolla dhe fshati krenohen, pasi kanë pasur një mësues si Dautin./PrizrenPress.com/