Dje është mbajtur dëgjimi i tretë publik për hartimin e buxhetit për vitin 2022, në fshatin Zhur, me banorët e rajonit të Zhurit, Vërrinit dhe Vërmicës.
Mbledhjen e hapi kryetari i Komunës së Prizrenit, Mytaher Haskuka, më pas mbledhja vazhdoi me prezantimin e drejtoreshës së Ekonomisë dhe Financave, Leonora Çerreti, e cila dha informacione në lidhje me buxhetin e Komunës së Prizrenit për vitin 2021, si dhe planifikimin e buxhetit për vitin 2022-2024.
Më tej, drejtoresha njoftoi për buxhetin komunal për subvencionet, duke dhënë informacione të hollësishme në lidhje me vlerat e ndara gjatë tre viteve të fundit për OJQ dhe shoqata.
Gjatë këtij takimi të pranishëm ishin edhe drejtorët komunal, të cilët pranuan propozimet dhe kërkesat e banorëve të këtij rajoni.
Ky është dëgjimi i tretë publik për për hartimin e buxhetit për vitin 2022