Oda e Hotelierisë dhe Turizmit ka njoftuar se kanë shtyer të gjitha veprimet që ka pasur plan t’i vë në praktikë.
Sipas njoftimit, kjo ka ndodhur për shkak se kanë pasur një takim me ministrin e Shëndetësisë, Arben Vitia, i cili ka thënë se më 26 maj do t’i njoftojë lidhur me lirimin e masave antiCOVID, përkatësisht hapjen e sallave të dasmave.
Andaj, OHK ka njoftuar se deri në këtë datë, nuk do të përkrahë asnjë iniciativë të ndërmarrë dhe se do t’i qëndrojnë në fjalë, ministrit Vitia.
“Edhe pse kemi marrëdhënie shumë të mira me të gjitha organizatat dhe shoqatat e tjera si motra, nuk do të përkrahim asnjë iniciativë të ndërmarrë dhe do t’i qëndrojmë në fjalë z. Arben Vitia. Kjo do të vlejë deri më datë 26.5.2021 në ora 17:00, dhe pastaj OHT do t’iu mbajë të informuar për çdo gjë!”, thuhet ndër të tjera në njoftimin e OHK-së.
Kurse, më 25 maj, e martë, Shoqata e Gastronomëve ka paralajmëruar një protestë para Qeverisë së Kosovës me moton “Me një vaksinë nuk çel vera”.