16.8 C
Prizren
E premte, 29 Mars, 2024

PDK-ja në Prizren, peng i zgjedhjes së kryetarit dhe emërimit të kandidatit

PDK5-27Partia Demokratike e Kosovës (PDK) në Prizren ka mbetur peng i zgjedhjes së kryetarit dhe kandidatit për Prizrenin. Procesi zgjedhor në këtë subjekt politik, edhe pse ka filluar afër një viti më parë nuk është përmbyllur.

Moszgjedhja e kryetarit të Degës, PDK-së ia ka vështirësuar përzgjedhjen e kandidatit për kryetar të Prizrenit. Kryesia e re deri më tash nuk ka mbajtur asnjë mbledhje të rregullt. “Jo nuk është mbledhur asnjëherë Kryesia e re”, tha shkurt zëdhënësi i Degës së PDK-së në Prizren, Samir Hoxha.

Gara për kryetar të Degës së PDK-së në Prizren, për shkak të përçarjeve të brendshme është shndërruar në “telenovelë”. Kandidatë për kryetar deri më tash janë Ramadan Muja, Nait Hasani dhe Nijazi Kryeziu.

Muja nuk e ka shpallur kandidaturën për kryetar të PDK-së në Prizren. Ai në Kuvendin Zgjedhor të PDK-së, ka marrë rreth 30 vota më pak se sa kundërkandidati, Nait Hasani.

Hasani, pasi ka shpallur kandidaturën për kryetar të Degës, ka paralajmëruar se nëse zgjedhet kryetar i partisë, në zgjedhjet e nëntorit planifikon të kandidojë edhe për kryetar të Prizrenit. Ai ka thënë se nëse PDK-ja ia beson kandidaturën, do të fitojë pa problem Prizrenin.

Lideri i PDK-së Hashim Thaçi, ndërkaq ka marrë vendim që cilido kandidat që do të zgjedhet kryetar i Degës së PDK-së në Prizren, nuk do të gëzojë të drejtën që në zgjedhjet lokale të jetë edhe kandidat për kryetar të Prizrenit.

Thaçi këtë vendim e ka prezantuar muaj me parë edhe para anëtarëve të Këshillit Drejtues. Ai në mbledhjen e Këshillit Drejtues, ka qenë i prerë se kryetari i Degës nuk do të jetë kandidat për kryetar të Prizrenit.

Burimet e “PrizrenPress-it” brenda PDK-së në Prizren tregojnë se zgjedhja e kryetarit të Degës dhe emërimi i kandidatit për kryetar të Prizrenit, është në dorën e Hashim Thaçit. “ Zgjedhja e kryetarit dhe kandidatit për Prizren është në dorën e Thacit”. /PrizrenPress.com/

 

Më Shumë

MAPL-ja ndan mbi 8 milionë euro për 11 komuna

Ministri i Administrimit dhe Pushtetit Lokal (MAPL), Elbert Krasniqi, ka bërë me dije se janë ndarë 8 milionë euro në 11 komuna të Kosovës. Në...

Sot i jepet lamtumira e fundit “Mjeshtrit të Madh” Jorgo Papingji, Begaj: Tekstet e tij i rezistuan të gjitha kohërave

Sot i jepet lamtumira e fundit “Mjeshtrit të Madh”, Jorgo Papingji. Në orën 11:00 do të zhvillohen homazhet, në ambientet e Radio Televizionit Shqiptar. Më...

Lajmet e Fundit