Në natën e tretë në festivalin “Hasi jehon” u paraqitën 5 ShKA ndërsa mbylljen e bëri ShKA “Malësori”.
Derisa u paraqit në skenë ShKA “Malësori”, juria në përbërje të Dilaver Kryeziut, Sami Pirajt dhe Hysen Didës, vendosën për çmimet tradicionale të festivalit, shkruan PrizrenPress.
“Publik i mrekullueshëm si zakonisht. E meritoni notën më të lartë për qëndrueshmërinë dhe për kulturën që e keni si publik”, tha Dilaver Kryeziu kryetar i jurisë.
Juria i ndau këto çmime:
Çmimi e parë “Malësorin” juria ia ndau Ansamblit “Mati” nga Burreli
Çmimi i dytë “Malësorja” iu nda ShKA “Bajram Shabani” nga Kumanova
Çmimi i tretë “Lahuta” sipas jurisë iu takoi ShKA “Januz Ramadani” nga Smira dhe Ansamblit “Rugova” nga Peja
Çmimi “Nazmije Tota” iu nda trios së këngëtareve nga Mati
Valltari më i dalluar u vlerësua Muhamet Sinani i ShKA “Bresana” nga Bresana
Valltarja më e mirë Elizabeta Zeneli nga ShKA “Prishtina”
Dyshja më e mirë e valltareve Vjollca Hajrullau dhe Ermira Sheta nga Kruma e Hasit
Koreografia më e mirë u shpall ajo e koreografit Mehmet Xhemajli nga ShKA “Prishtina”
Loja më e mirë popullore ShKA “Katarina Josipi”
Kostumet ShKA “Rapsha” nga Tuzi
Rituali më objektiv iu nda Ansamblit Muharrem e Xhevat Qenaj nga Ramaja
Çmimi rapsodi më i mirë i festivalit iu nda raspodes Xhevrije Vataj
Grupi i rapsodëve më të mirë Hamit Kastrati e Përparim Brati nga Hasi i Shqipërisë
Orkestra më e mire ShKA “Shote Galica” nga Drenasi
Instrumentisti më i dalluar klarinetisti nga Kavaja
Krejt në fund, drejtori i festivalit, Haziz Hodaj, çmimin e parë të festivalit ia “ndau” publikut.
“Juria ndau çmimet për Ansamblet ndërsa unë them se çmimi i parë si zakonisht ju takon juve që e përcillni me kujdes paraqitjen e çdo grupi”, tha Hodaj. /PrizrenPress.com/