Policia ka arrestuar dy policë gjermanë të EULEX-it, të premtën rreth orës 2:00, ka njoftuar policia, shkruan Zëri. Sipas policisë, ata ishin në gjendje të dehur, ndërsa duke ecur këndonin dhe thyenin shishe në qendër të qytetit të Mitrovicës.
Pjesëtarë të Policisë së Kosovës të stacionit në jug të Mitrovicës kanë ndalur dy policët gjermanë të EULEX-it në rrugën “Mbretëresha Teutë”, të cilët ishin duke thyer shishe e shqelmuar gjëra afër shëtitore. Ata janë dërguar në stacionin policor, ndërsa janë liruar pasi që paraprakisht janë njoftuar eprorët e tyre.