Për shkak të situatës së krijuar nga pandemia Covid-19 në vend, Posta e Kosovës ka vendosur që të ndihmojë qytetarët me sherbimet e veta me Zyra kujdestare Postare të cilat do të punojnë nga ora 08:00 e mëngjesit deri në ora 22:30, çdo ditë pune, përfshirë edhe të shtunën, duke filluar nga data 16 prill 2020.
Përmes një njoftimi për media, ata thonë se kjo po bëhet pas vendimit të insitucioneve të Kosovës për masat e reja të qarkullimit.
“Në Prishtinë do të kujdestaroj Zyra Postare që ndodhet në objektin kryesor të Postës në lagjen “Dardania”. Në Prizren, Zyra Postare në rr. “Adem Jashari”. Në Mitrovicë, Zyra Postare në rr. “Afrim Zhitia”. Në Pejë, Zyra Postare në rr. “Mbretëresha Teutë”. Në Gjakovë, Zyra Postare në rr. “UÇK”. Në Gjilan, Zyra Postare në rr. “Adem Jashari”. Në Ferizaj, Zyra Postare në rr. “Dëshmorët e Kombit””, thuhet në njoftim.
Tutje, në njoftim bëhet e ditur se zyrat tjera Postare, në çdo komunë, do të punojnë me orar të rregullt nga ora 08:00-16:00.