1.8 C
Prizren
E hënë, 4 Mars, 2024

Prizren/Aktakuzë ndaj tre personave për shitblerje të narkotikëve e organizim të skemave piramidale

Departamenti i Krimeve të Rënda në Prokurorinë Themelore në Prizren, ka ngritur aktakuzë kundër të tre të pandehurve A.E., B.E., dhe T.B., për shkak të dyshimit të bazuar mirë se kanë kryer veprat penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” nga neni 267, dhe veprën “Organizimi i skemave piramidale dhe bixhozit të paligjshëm” nga neni 294, të Kodit Penal të Republikës së Kosovës (KPRK).

“Eli –Edona”, mobilieria me oferta më të mira në Prizren

Sipas aktakuzës, të pandehurit B.E., dhe A.E., nga koha e pa vërtetuar deri më datë 30.08.2023 rreth orës 14:00, në shtëpinë e tyre në fshatin Zhur dhe në qytetin e Prizrenit, pa autorizim kanë shpërndarë dhe ofruar për shitje substanca apo preparate të cilat janë shpallur me ligj si narkotikë dhe atë të llojit kokainë.

Sipas aktakuzës narkotikët e siguruar përmes rrugëve ilegale këtë dy të akuzuar e kanë mbajtur në shtëpinë e tyre në fshatin Zhur nga ku pastaj e kanë shitur në sasi të vogla për persona të ndryshëm në fshatin Zhur dhe në qytetin e Prizrenit.

“Gjatë aplikimit të masave të veçanta hetimore më datë 30.08.2023, i pandehuri A.E., derisa ishte duke drejtuar veturën e markës “Fiat Croma” në Prizren, arrestohet dhe nga i njëjti sekuestrohen dy (2) qese najloni të mbushura me substancë të dyshuar narkotike të llojit kokainë me peshë prej 2.55 gram, përderisa në të njëjtën kohë gjatë kontrollit në shtëpinë e të pandehurve janë gjetur dhe sekuestruar një peshore digjitale ngjyrë e zezë, dhe 45 (dyzetë e pesë) qese najloni të mbushura me substancë të dyshuar narkotike të llojit kokainë me peshë prej 23.04 gram, tri (3) qese najloni të mbushura me substancë të dyshuar narkotike të llojit kokainë me peshë prej 52.34 gram dhe një qese najloni në peshë prej 1.76 gram, të cilat substanca narkotike pas ekzaminimit dhe ekspertimit nga Laboratori i Agjencisë Kosovare për Forenzikë, rezultojnë të jenë të llojit kokainë, nga matjet neto me peshë të përgjithshme prej 65.76 gram”, thuhet në njoftimin e Prokurorisë.

Me këto veprime thuhet se të pandehurit në bashkëkryerje kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Ndërsa, i pandehuri T.B., thuhet se me dashje ka ndihmuar dy të pandehurit e tjerë në kryerjen e veprës penale, duke iu siguruar klientë të ndryshëm për blerje të narkotikut.

“Po ashtu, të pandehurit B.E., dhe A.E., nga koha e pa vërtetuar në vitin 2021 deri më datë 30.08.2023, në vazhdimësi, në fshatin Zhur, Komuna e Prizrenit, në një lokal dhe përmes mjeteve elektronike, me qëllim të përfitimit të kundërligjshëm të dobisë pasurore për vete, organizojnë lojëra të fatit siç përcaktohet me ligj, për të cilat nuk është dhënë licenca, në atë mënyrë që të njëjtit në bashkëkryerje, në mënyrë të kundërligjshme dhe të fshehtë përmes telefonave mobil dhe kompjuterit që gjendej në lokalin e lartcekur, instalojnë llogari të ndryshme nga ëeb faqe të ndryshme për lojëra të fatit, nga të cilat ëeb faqe krijojnë llogari për klientë të ndryshëm, më pas në ato llogari u dërgojnë të holla klientëve për të zhvilluar lojëra të fatit dhe më pas këta të fundit paguajnë të hollat kesh për të pandehurit”, thuhet në njoftim.

“Loyola-Gymnasium” në Prizren shpall konkurs për një mësimdhënës/e të gjuhës gjermane

Me këto veprime thuhet se në bashkëkryerje kanë kryer veprën penale “Organizimi i skemave piramidale dhe bixhozit të paligjshëm” sipas KPRK-së.

“Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprat penale për të cilat akuzohen të shpallen fajtorë dhe të dënohen sipas ligjit. Po ashtu, prokurori ka propozuar që si mjete të kryerjes dhe dobi pasurore, të konfiskohen sendet të cilat kanë mundësuar kryerjen e veprës penale, të cilat janë sekuestruar përkohësisht, e që janë: Një (1) Automjet Fiat Croma, ngjyrë hiri metalike; Një (1) automjet Citroen C-Elysee, ngjyrë e bardhë; Tre (3) telefona: Sony Xperia, IPHONE X dhe Samsung; Kartëmonedha në vlerë prej 1140 Euro dhe 40 Franga Zvicerane; Pesëdhjetë e një (51) qese najloni të mbushura me substancë të dyshuar narkotike të llojit Kokainë me peshë 79.69 gram; Një (1) peshore digjitale ngjyrë e zezë; Një (1) DVR”, thuhet në njoftim.

Më Shumë

Deklarohet këshilltari i MPJD-së që u sulmua fizikisht: Kam lëndime të mëdha në syrin e majtë

Këshilltari në Ministrinë e Jashtme dhe Diasporës, Çerim Bajrami, është sulmuar fizikisht nga një person pasditen e së enjtes, me ç’rast ka pësuar edhe...

Më 6 mars mbahet seanca e Kuvendit të Komunës së Prizrenit

Kryesuesja e Kuvendit të Komunës së Prizrenit, Antigona Bytyqi, ka ftuar të gjithë anëtarët e Kuvendit për mbledhjen e rregullt, e cila do të...

Lajmet e Fundit