18.2 C
Prizren
E mërkurë, 9 Korrik, 2025

Protestë para Gjykatës në Prizren: U kërkua lirimi i Ejup Shemollari

Mbi 100 qytetarë të Prizrenit, të hënën i janë përgjigjur thirrjes së familjes Shemallari, për protestë para Gjykatës Themelore të Prizrenit, ku është kërkuar lirimi nga paraburgimi i të riut, Ejup Shemollari, i cili po mbahet në masën e paraburgimit së bashku me babain e vet për rastin e vrasjes së trefishtë në mars të vitit 2015. Ditën e hënë para objektit të Gjykatës Themelore në Prizren, familjarët e Eshref dhe Ejup Shemallari kanë organizuar një protestë ku është kërkuar lirimi i Ejup Shemallarit.

Thirrjes së tyre për t’iu bashkuar kësaj proteste i ishin përgjigjur një numër i konsiderueshëm i qytetarëv.

Nëna Hedija dhe motra e të riut Shemallari,Lindita thanë se Ejupi po mbahet padrejtësisht në paraburgim që 20 muaj, sepse sipas tyre ai është plotësisht i pafajshëm, dhe se organet e drejtësisë duhet ta lirojnë atë sa më parë. Nëna e Ejupit, thotë se ajo së bashku me djalin e saj më të vogël jetojnë në kushte tejet të vështira, ndërsa më e keqja e gjithë kësaj thotë ajo është fakti se djali i saj më i vogël nuk mund të vijojë mësimin për të tretin vit me radhë.

Ndryshe, Eshref e Ejup Shemallari që mes vete janë babë e bir akuzohen për vrasje të rëndë të 3 personave në Prizren më 8 mars 2015, dhe ata po mbahen në paraburgim, ndërsa së shpejti pritet të rinisin seancat gjyqësore rreth këtij rasti./TV Prizreni/

Më Shumë

Dalin në shitje biletat për ndeshjen Malisheva – Vikingur

Malisheva ka njoftuar se biletat për ndeshjen kundër Vikingur Reykjavik janë tashmë në shitje. Ndeshja Malisheva – Vikingur do të zhvillohet të enjten në stadiumin...

Asambleistja e Kuvendit Komunal të Prizrenit aderon në AAK, para tre vitesh ishte larguar nga Vetëvendosje

Nazife Kokollari, asambleiste në Kuvendin Komunal të Prizrenit, ka zyrtarizuar aderimin e saj në Aleancën për Ardhmërinë e Kosovës (AAK). Përmes një postimi në profilin...

Lajmet e Fundit