Ministri i mbrojtjes së Kosovës, Anton Quni i ka shkruar letër urimi, ministres së Mbrojtjes të Republikës së Maqedonisë Veriore Radmila Shekerinska, me rastin e pranimit të Republikës së Maqedonisë së Veriut në Organizatën e Traktatit të Atlantikut të Veriut (NATO) si shtet anëtar.
Quni shprehu bindjen se me këtë akt shumë të rëndësishëm jo vetëm për vendin e Maqedonisë, janë rritur mundësitë që të punohet edhe më shumë në mes të dy ministrive tona të mbrojtjes, duke kontribuar në rritjen e shkallës së sigurisë në rajon, njofton Klan Kosova
Në përmbyllje të letrës ministri Quni shprehet: ”Duke pasur parasysh rëndësinë e pranimit të Republikës së Maqedonisë së Veriut në NATO, më lejoni edhe një herë t’ju përgëzoj dhe t’ju siguroj për vlerësimin tim më të lartë”.
