Ramush Haradinaj është zgjedhur edhe për një mandat kryetar i AAK-së.
Kështu ka bërë të ditur zëdhënësi i AAK-së, Lulëzim Blakaj për Nacionalen.
“Pjesëmarrës në këtë Kuvend ishin 528 delegatë. 518 nga ta ishin pro, dy kundër, tre abstenime dhe pesë të pavlefshme”, tha Blakaj.
Ramush Haradinaj në këtë Kuvend Zgjedhor të mbajtur, sot kishte qenë kandidati i vetëm.
Haradinaj është kryetari i vetëm që e ka pasur kjo parti që nga themelimi i saj në vitin 2000.
Kjo parti ditë më parë kishte përmbyllur procesin e brendshëm zgjedhor nëpër nëndegë, degë, Aleancë të Gruas dhe Rinisë.