25.8 C
Prizren
E martë, 23 Korrik, 2024

Rexhaj: Harrojeni që Qeveria Kurti do të bëjë Asociacion me kompetenca ekzekutive

Deputeti nga radhët e Lëvizjes Vetëvendosje, Arbër Rexhaj, ka thënë se Qeveria aktuale e udhëhequr nga kryeministri Albin Kurti nuk do të pranojë assesi themelimin e Asociacionit të Komunave me Shumicë serbe me kompetenca ekzekutive.

Ai thotë se si LVV janë pro një Asociacioni të modelit kroat.

“Sikur Asociacioni të mos kishte kompetenca ekzekutive qysh në atë kohë do të ishte kryer. Le të harrojnë të gjithë ata të cilët mendojnë që një lloj i Asociacionit i cili e ka nivelin e tretë dhe ka kompetenca ekzekutive që do ta bëjë Qeveria Kurti”, tha ai.

“Jam i bindur si deputet i Kuvendit, si anëtar i LVV-së, ne si VV kemi shku në aspektin e një Asociacioni të një modeli kroat dhe realisht jemi për atë gjë, nuk pranojmë në asnjë formë një Asociacion që ka kompetenca ekzekutive”, shtoi ai.

Ai thotë se është skeptik edhe për ndërtimin e një Asociacioni, i cili nuk ka kompetenca ekzekutive qe do ta pranojë Serbia.

Në anën tjetër, edhe deputeti Mefail Bajqinovci, ka thënë se “nëse ka kompetencë ekzekutive e kam problem ta pranoj”.

“Eli –Edona”, mobilieria me oferta më të mira në Prizren

Më Shumë

Lajmet e Fundit