12 C
Prizren
E hënë, 17 Mars, 2025

Sarri: Bëra një gomarllëk, e mbytëm Milanin për 30 minuta

Maurizio Sarri, trajneri i Juventusit, vlerëson 30 minuta e para të ndeshjes me Milanin dhe i gëzohet kualifikimit në finalen e Kupës së Italisë. Sigurisht që bardhezinjtë paraqitën dobësi dhe tekniku italian e pranon diçka të tillë, sikurse edhe pranon se bëri një gabim trashanik.

“Është e qartë që ndihesh mirë kur kthehesh pas tre muajsh në fushë, edhe pse u luajt pa tifozë. Jam i befasuar dhe i kënaqur me 30 minutat e para të ndeshjes. Dominuam dhe e luajtëm topin shpejt, madje edhe para se Milani të ndëshkohej me karton të kuq.

Pastaj e ulëm ritmin dhe intensitetin, që nuk është gjë e mirë në një stadium të boshatisur. U fokusuam te gjërat individuale dhe e humbëm mprehtësinë. Pozitiv është fakti që nuk e lamë kundërshtarin të luajë. Do duhet kohë të kthehemi në maksimumin tonë. 30 minuta e para ishin një shenjë e mirë”, tha Sarri për “Rai Uno”.

Më tej ai tregoi se ku gaboi ai si trajner: “Bëra një gomarllëk. U përfshiva te entuziazmi që kemi pesë zëvendësime dhe bëra tre njëherazi, çka ishte një rrezik i madh. Në atë moment humbëm diçka në lojën tonë. Ndoshta në të ardhmen duhet t’i shpërndaj zëvendësimet.

Douglas Costa e nxora sepse kisha frikë se mos dëmtohej. Ai doli dhe ende duket një nga ata që ishte më në formë. Është një lojtarë që mund të bëjë diferencën kur është i stërvitur mirë”. Juventusi do të luajë në finale me fituesin e çiftit Napoli-Inter, që përballen sonte prej orës 21:00. Finalja e Kupës së Italisë zhvillohet me 17 qershor, ndërkohë që tre ditë më pas rinis Serie A.

Më Shumë

Rrëzohet një punëtor nga objekti në ndërtim në Suharekë, dërgohet në QKUK

Një punëtor ka pësuar lëndime të rënda trupore pasi është rrëzuar gjatë punimeve në një objekt ndërtimi në Suharekë. Sipas raportit të Policisë së Kosovës,...

Vendosja e numrave identifikues të shtëpive në Malishevë pritet të përfundojë brenda 15 ditëve

Procesi i vendosjes së numrave identifikues për shtëpi dhe objekte në territorin e Komunës së Malishevës ka vazhduar sot dhe pritet të përfundojë brenda...

Lajmet e Fundit