Analisti i njohur shqiptar, Kim Mehmeti duke komentuar ngjarjet e fundit në Maqedoni, më konkretisht në Kumanovë, ka thënë se shqiptarët nuk duhet të nguten.
“Kësaj radhe nuk guxojmë ta bëjmë këtë gabim,posaçërisht jo sot, kur çdo krismë dhe trazirë, ka vetëm një të ‘mirë’: i mbulon gjitha të këqijat që na i bëri regjimi antishqiptarë DPMNE-BDI”, ka shkruar Mehmeti në Facebook.
Postimi i plotë:
Është vallë e mundur që neve shqiptarëve të Maqedonisë të na përsëritet historia dhe njësoj si në 2001, pasi të përfundojnë krismat, ta marrim vesh se për çka kemi ‘luftuar’ dhe cilët janë trimat që na kanë ‘çliruar’?! Kësaj radhe nuk guxojmë ta bëjmë këtë gabim,posaçërisht jo sot, kur çdo krismë dhe trazirë, ka vetëm një të ‘mirë’: i mbulon gjitha të këqijat që na i bëri regjimi antishqiptarë DPMNE-BDI!