Në kuvendin e VIII zgjedhor të degës së Aleancës për Ardhmërinë e Kosovës në Rahovec u rikonfirmua në krye të saj, kryetari i deritanishëm dhe kryetari i Komunës së Rahovecit, Smajl Latifi, si dhe u zgjodhen anëtarët e këshillit drejtues me votim një anëtar një votë.
Kryetari Smajl Latifi u votua nga 146 delegatë, aq sa ishin të pranishëm në këtë kuvend.
Latifi i falenderoi të gjithë delegatët e pranishëm për besimin e dhënë, duke premtuar që do të vazhdohet vizioni i AAK-së si në qeverisjen lokale ashtu edhe në atë qendrore.
I pranishëm në pjesën ceremoniale të kuvendit ishte edhe kryetari i AAK-së dhe
kryeministri i Republikës së Kosovës, Ramush Haradinaj./RahovecPost