Drejtori i Qendrës Rajonale për Trashëgimi Kulturore në Prizren,Samir Hoxha ka publikuar rezultatet e arritura të këtij institucioni gjatë vitit 2014.
Sipas tij, gjatë vitit 2014, QRTK në Prizren, ka realizuar shumë punë.
Postimi i plotë i Simar Hoxhës në Facebook
Po lëmë pas një vit të suksesshëm fal angazhimit dhe punës së palodhshme të gjithë bashkëpunëtorëve të QRTK-së, në Prizren.
Qendra Rajonale për Trashëgimi Kulturore në Prizren, gjatë periudhës njëvjeçare, duke u bazuar në Planin vjetor të punës ka realizuar këto punë:
Kontrollimi i 84 projekt propozimeve të qytetarëve dhe institucioneve të tjera për punime investive në Zonën e mbrojtur dhe në afërsi të monumenteve, analizimi i tyre si dhe përgatitja e dokumentacionit për komision në MKRS-së;
Përgatitja, kontrollimi dhe plotësimi i dokumentacionit për propozim listën e trashëgimisë kulturore për mbrojtje të përkohshme në qytetin e Prizrenit me rajon (5komuna) në vitin 2014 sipas listës dhe udhëzimeve të MKRS-së;
Përgatitja materialit dhe futja e të dhënave në Ëeb faqe të MKRS-së për objekte të inventarizuara;
Nga hyrat vetanake është investuar në rregullimin e çatisë dhe fasadës së lokalit që ende ushtron zejen e farkëtarisë dhe është bërë mbikëqyrja e punëve për ndërrimin e kulmit dhe restaurimin e fasadës të lokalit e farkëtarit në shatërvan;
Mbikëqyrja e periodike dhe dhënia e këshillave teknike gjatë punimeve restauruese dhe konservuese në kala të Prizrenit që udhëhiqet nga Instituti Arkeologjisë së Kosovës;
Takime me palë të ndryshëm dhe përfaqësues të OJQ-ve dhe vizitor tjerë të shteteve të ndryshme gjatë vizitës në Prizren dhe njoftimi i tyre për trashëgiminë kulturore të Prizrenit;
Mbikëqyrja e punëve në restaurimin objektit te familjes Shinik-briskagjive në Prizren, punimet e të cilit e zbatoi IRD-ja.
Punimet hulumtuese për studim dhe rilevim të namazxhahut në fshatin Buzëz të Opojës;
Inventarizimi në Komunën e Rahovecit sipas PLTK-se, “Planet Lokale të Trashëgimisë Kulturore 2012-2015” në komunën përkatëse Rahovec në bashkëpunim me CHËB dhe KK Rahovecit;
Bashkëpunimi me studentët e Fakultetit të Arkitekturës në incizimin e disa objekteve të vjetra në Prizren, duke ofruar ndihmë teknike, asistencë profesionale dhe qasje në dokumentacionin ekzistues të QRTK-së.
Mbikëqyrja e punimeve në restaurimin e shtëpisë së Katarina Josipit në fshatin Zym të Prizrenit, projekt ky i investimeve kapitale të MKRS’së,
Është bërë mbikëqyrja e punimeve për 4 objekte të trashëgimisë kulturore të mbetura nga viti 2013. Ato janë objekte banimi në Prizren, shtëpia e familjes Rekathati, shtëpia e familjes Paçarizi, shtëpia e familjes Burgija si dhe shtëpia e familjes Kantarxhiu.
Nga donacioni i UNESCO-së janë kryer punimet në Katedralen Katolike të Prizrenit nga kompania ndërtimore nga Shqipëria “Ad-Star”.
Nga donacioni i UNESCO-së janë kryer punimet në restaurimin dhe rehabilitimin e hamamit të Gazi Mehmed Pashës në Prizren.
Vlerësimi i gjetjes së rastit të murit antik në sheshin e “Lidhjes” gjatë punimeve në rregullimin e saj;
Rregullimi i brendshëm hapësirave të zyrave të QRTK-së;
Ka filluar të bëhet shpërndarja e njoftimeve për pronarët, poseduesit dhe shfrytëzuesit të aseteve të Trashëgimisë Kulturore, duke u dhënë (Disa informacione për përgjegjësitë ndaj asetit të Trashëgimisë Kulturore, bazuar në Ligjin Nr. 02/L-88 P?R TRASHËGIMINË KULTURORE:
Në vitin 2014, në fushën e etnologjisë, u realizuan këto veprimtari:
Ridizajnimi i Sektorit Etnologjik të Kompleksit Monumental të Lidhjes Shqiptare të Prizrenit ;
Hartimi i Listës së eksponateve të ekspozuara dhe të deponuara në Sektorin Etnologjik të KMLSHP me qëllim të ridizajnimit të tij;
Hartimi i legjendave të eksponateve të ekspozuara në Sektorin Etnologjik të KMLSHP me qëllim të ridizajnimit të tij;
Kompleksi Monumental i Lidhjes Shqiptare të Prizrenit, është vizituar nga vizitorë, delegacione të ndryshme vendore dhe të jashtëm si dhe nga personalitete e studiues, gazetarë. Kompleksi si zakonisht është vizituar edhe nga nxënësit e shkollave fillore dhe të mesme nga e gjithë hapësira shqiptare si dhe nga diaspora.
Rregullimi i ndriçimit:
U vendosën reflektorë të rinj në Galeri të arteve.
U rregullua ndriçimi i reflektorëve të oborrit.
Hulumtimet shkencor në sektorin e Historisë
Hulumtime në Arkivin e Institutit të Historisë në Tiranë në Arkivin e Kosovës etj.;
Nga ana e përgjegjësit janë ofruar ndihma profesionale dhe me literaturë përkatëse studiues dhe studentë.
Sektori për orientalistikë
Ekipi i QTTK-së duke punuar në pastrimin dhe matjen e Namazxhaut në Buzëz të Komunës së Dragashit kanë gjet dy monedha të periudhës osmane të vitit 1808 dhe 1876. ku është bërë deshifrimi i tyre.
Është bërë deshifrimi ,matja dhe fotografimi i mbishkrimit të tyrbes së Sheh Fetahut në fshatin Denjë të Rahovecit.
Digjitalizimi i dorëshkrimeve orientale në bibliotekën e QRTK-së.
Këto janë vetëm disa nga punët e kryera gjatë këtij viti, rezultatet në realizimin e projekteve për vitin 2015 nuk do na mungojnë