9.8 C
Prizren
E mërkurë, 29 Mars, 2023

Thaçi: Kosova faktor paqeje në rajon

Hashim Thaci-Robert DusseyKryeministri i Qeverisë së Republikës së Kosovës, Hashim Thaçi, ka pritur sot në takim ministrin e Punëve të Jashtme të Togos, Robert Dussey, me të cilin ka biseduar për bashkëpunimin dypalësh dhe për mundësinë e avancimit të bashkëpunimit në mes të dy vendeve.

Kryeministri Thaçi ka shprehur angazhimin e Qeverisë dhe institucioneve të Kosovës për ndërtimin e shtetit demokratik të Kosovës dhe për ndërtimin e marrëdhënieve diplomatike, ekonomike dhe kulturore me të gjitha shtetet në botë, duke respektuar diversitetet dhe interesat e të gjithëve.

Me këtë rast Kryeministri Thaçi shprehu falënderimin e tij dhe të Qeverisë së Republikës së Kosovës, për njohjen e Kosovës nga Togo dhe për vendosjen e marrëdhënieve diplomatike në mes të dy shteteve respektive.

Kosova është shteti më i ri në Evropë, por është duke e dëshmuar se di të jetë faktor paqeje dhe stabiliteti në rajonin e Evropës Juglindore – theksoi kryeministri Thaçi.

Nga ana e tij ministri i Jashtëm i Togos, Robert Dussey, falënderoi kryeministrin Thaçi për pritjen dhe theksoi rëndësinë e vendosjes së marrëdhënieve diplomatike të Togos me Kosovën, si dhe mundësinë e bashkëpunimit në fusha të ndryshme të interesit të përbashkët.

Më Shumë

Mot me vranësira të shpërndara dhe intervale me diell

Në Kosovë sot do të mbajë mot me vranësira të shpërndara dhe me intervale të gjata me diell. Në njoftimin e Institutit Hidrometeorologjik të Kosovës...

Arrestohet një person në Vërmicë

Një person është arrestuar në Pikën Kufitare të Vërmicës. Arrestimi i tij është bërë me urdhër të gjykatës. PKK Vermicë 23.03.2023 – 18:50. Në bazë të...

Vjedhje në Rahovec

Lajmet e Fundit